გამოცდების ეროვნული ცენტრის ყოფილი ხელმძღვანელი მაია მიმინოშვილი გავრცელებულ ინფორმაციას, რომ მისი კანდიდატურა განათლების, მეცნიერების, კულტურისა და სპორტის მინისტრის თანამდებობაზე განიხილება, არ ადასტურებს.
როგორც მიმინოშვილი „ინტერპრესნიუსთან“ საუბრისას აცხადებს, აღნიშნულ ინფორმაციას არანაირი საფუძველი არ აქვს.
მიმინოშვილის განცხადებით, მის მიმართ „არანაირ შემოთავაზებას ადგილი არ ჰქონია“.
შეგახსენებთ, რომ მიხეილ ბატიაშვილმა განათლების, მეცნიერების, კულტურის და სპორტის მინისტრის პოსტი დღეს დატოვა.