ერაყში საპროტესტო აქციებს ბოლო 24 საათის განმავლობაში  10 ადამიანი ემსხვერპლა

ერაყში საპროტესტო აქციებს ბოლო 24 საათის განმავლობაში 10 ადამიანი ემსხვერპლა. ამ ინფორმაციას „როიტერსი“ ავრცელებს.

ერაყის მოსახლოებამ მსვლელობა ბაღდადის ცენტრალურ ნაწილში მოაწყო. პოლიციამ დემონსტრანტების წინააღმდეგ ცრემლსადენი გაზი და წყლის ჭავლი გამოიყენა. სამართალდამცავებსა და აქტივისტებს შორის დაპირისპირებას ბოლო 24 საათის განმავლობაში 10 ადამიანი ემსხვერპლა, მათ შორის 5 სასწრაფო სამედიცინო დახმარების თანამშრომელია. დაშავებულია 35 ადამიანი, რამდენიმე მათგანის მდგომარეობა მძიმეა.

შეგახსენებთ, რომ ერაყში საპროტესტო აქციების ტალღა 1 ოქტომბრიდან დაიწყო. მოსახლეობა ქვეყანაში არსებულ მძიმე ეკონომიკურ მდგომარეობას, უმუშევრობასა და კორუფციის მაღალ დონეს აპროტესტებს. მას შემდეგ აქციებს 250-ზე მეტი ადამიანი ემსხვერპლა, 5 000-ზე მეტი კი დაშავდა. 31 ოქტომბერს ერაყის პრემიერ-მინისტრმა ადელ აბდელ მაჰდიმ გადადგომისა და ქვეყანაში ახალი არჩევნების დანიშვნის მზადყოფნა გამოთქვა.

ზაზა ფირალიშვილი - უბრალოდ, ივანიშვილს  ვერ წარმოუდგენია, რომ თავადაც ძველი ხელისუფლების მსგავსი შეცდომები მოსდის
ქართული პრესის მიმოხილვა 18.11.2019
ხათუნა ლაგაზიძე -  პარლამენტში მიმდინარე პროცესები იმის ტესტიც არის, თუ რად უღირს თანამედროვე დასავლურ პოლიტიკურ ელიტას საქართველო