თურქეთის პრეზიდენტი ევროკავშირს აფრთხილებს, რომ დევნილებისთვის საზღვრებს გახსნის, თუკი მათგან მხარდაჭერა არ ექნება

თურქეთის პრეზიდენტი რეჯებ თაიპ ერდოღანი ევროპას კვლავ აფრთხილებს, რომ მისი ქვეყანა ევროპასთან საზღვრებს გახსნის დევნილებისთვის, თუკი ევროკავშირის მხრიდან სათანადო მხარდაჭერას არ მიიღებს.

„მოვა დახმარება, თუ არა, ჩვენ სტუმრებს მაინც დავეხმარებით, მაგრამ გარკვეულწილად. ჩვენ შეიძლება აღმოვჩნდეთ სიტუაციაში, როდესაც გავხსნით საზღვრებს. ამის შესახებ ადრეც ვისაუბრე. ჩვენ შევიმუშავეთ სირიელთა დასახმარებელი დიდი პროექტი, მაგრამ არ შეგვიძლია, ამოცანას მარტო გავუმკლავდეთ“, - განაცხადა ერდოღანმა უნგრეთში ვიზიტის დროს გამართულ პრესკონფერენციაზე.

მანვე აღნიშნა, რომ ევროკავშირისგან ელოდება სამხედრო ოპერაციის - „მშვიდობის წყაროს“ შედეგად, თურქეთის კონტროლის ქვეშ გადასულ სირიის ტერიტორიაზე დევნილთა დაბინავების საკითხში დახმარებას.

„თქვენ ჩვენ დაგვეხმარებით, ჩვენ კი იქ ავაშენებთ ყველაფერს, რაც საჭიროა. მოდით, ეს პროექტი ერთად განვახორციელოთ და ადამიანები დაბრუნდნენ თავის სამშობლოში. მზად ვართ ასეთი სამუშაოსთვის“, - განაცხადა თურქეთის პრეზიდენტმა.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს