დიდ ბრიტანეთში, სატვირთოში აღმოჩენილი 39-ვე ცხედარი იდენტიფიცირებულია

დიდ ბრიტანეთში, სატვირთოში აღმოჩენილი 39-ვე ცხედარი იდენტიფიცირებულია, - ამის შესახებ ინფორმაციას „ბიბისი“ ესექსის პროვინციის სამართალდამცავებზე დაყრდნობით ავრცელებს.

მათივე ინფორმაციით, სატვირთოში აღმოჩენილი 31 ვიეტნამელი მამაკაცისა და 8 ვიეტნამელი ქალის ცხედარი იდენტიფიცირებულია. პოლიცია აცხადებს, რომ გარდაცვლილთა სახელები მოგვიანებით გასაჯაროვდება.

შეგახსენებთ, რომ მიმდინარე წლის 23 ოქტომბერს ლონდონთან ახლოს, ესექსის პროვინციაში სატვირთო ავტომობილში 39 ცხედარი აღმოაჩინეს. თავდაპირველად გამოძიება აცხადებდა, რომ გარდაცვლილები ჩინეთის მოქალაქეები იყვნენ, მოგვიანებით კი დადგინდა, რომ ყველა მათგანი ვიეტნამელი იყო. მომხდართან დაკავშირებით ჩრდილოეთ ირლანდიელი მძღოლი და კიდევ სამი პირია დაკავებული. პოლიცია ეძებს ორ ჩრდილოეთ ირლანდიელ ძმას, რომლებიც ადამიანთა ტრეფიკინგსა და განუზრახველ მკვლელობაში არიან ეჭვმიტანილი. გარდა ამისა, აღნიშნულ საქმესთან დაკავშირებით ვიეტნამის ორ პროვინციაში 11 ადამიანია დაკავებული.

ზაალ ანჯაფარიძე - შაქარაშვილის საქმესთან დაკავშირებით კითხვები უფრო მეტია, ვიდრე პასუხები, რაც გამოწვეულია რამდენიმე გარემოებით
ქართული პრესის მიმოხილვა 06.07.2020
ვიქტორ ყიფიანი - შავი ზღვის რეგიონისადმი დასავლეთის მიდგომა ოპერატიულად გადახედვასა და მისადაგებას საჭიროებს
ყაზახეთის რესპუბლიკის ელჩი საქართველოში - ყაზახეთის მიღწევა: პირველი პრეზიდენტის ნ. ნაზარბაევის როლზე (R)
თიბისი იპოთეკური სესხების სუბსიდირების სახელმწიფო პროგრამაში ერთვება
როგორ ვლინდება ლაქტოზის აუტანლობა და რით შეგვიძლია ჩავანაცვლოთ ცხოველური რძე ბავშვთა კვებაში?
მაკა ასათიანი განცხადებას ავრცელებს
„მზადება ზაფხულისთვის“  (R)
"პროკრედიტ ბანკმა" საკუთარი მზის ელექტროსადგური წარადგინა