ლევან ვასაძის მხარდამჭერი - ჩვენი მიზანია, რომ ფილმის „და ჩვენ ვიცეკვეთ" ჩვენება არ შედგეს - კომბლები არ იქნება

ლევან ვასაძის მხარდამჭერები თბილისში, „ვერის ბაღში“, ფილმის „და ჩვენ ვიცეკვეთ" ჩვენების გასაპროტესტებლად, 16:00 საათზე შეიკრიბებიან, ბათუმში -17:00 საათზე.

როგორც ბიზნესმენ ლევან ვასაძის თანამოაზრემ, კონსტანტინე მორგოშიამ განაცხადა, მათი პროტესტის მთავარი მიზანია, რომ ფილმის ჩვენება არ შედგეს.

მისივე განმარტებით, მათი მხარდამჭერები დასავლეთ საქართველოდან, ბათუმში დაგეგმილ აქციას შეუერთდებიან.

„ჩვენი მიზანია, რომ ამ ფილმის ჩვენება არ შედგეს. თუ მაინცდამაინც სიყვარულზე უნდოდათ ფილმი გადაეღოთ, მაშინ რატომ არ შეიძლებოდა ქალის და კაცის სიყვარულზე გადაეღოთ, როცა სუხიშვილების ცეკვების დიდი ნაწილი სწორედ რომ ქალის მიმართ კაცის პატივისცემაზეა აწყობილი", - განაცხადა მორგოშიამ.

რაც შეეხება პროსტესტის გამოხატვის ფორმას, მორგოშიას თქმით, „ფორმა ის იქნება, რასაც სიტუაცია მოიტანს".

კითხვაზე, აქციაზე კომბლებით ხომ არ გეგმავენ მისვლას, მორგოშიამ განაცხადა, რომ „კომბლები არ იქნება".

შეგახსენებთ, რომ ქართულ-შვედური, ლევან აკინის ფილმის „და ჩვენ ვიცეკვეთ" საპრემიერო ჩვენება თბილისისა და ბათუმის კინოთეატრებში დღეს გაიმართება.

იხილეთ ვიდეო: ლევან ვასაძის მხარდამჭერი - ჩვენი მიზანია, რომ ფილმის "და ჩვენ ვიცეკვეთ" ჩვენება არ შედგეს - კომბლები არ იქნება

ხათუნა ლაგაზიძე -  პარლამენტში მიმდინარე პროცესები იმის ტესტიც არის, თუ რად უღირს თანამედროვე დასავლურ პოლიტიკურ ელიტას საქართველო
ქართული პრესის მიმოხილვა 15.11.2019
მაია ბითაძე - ევროპამ 50 წლით გაგვისწრო, მაგრამ ნაბიჯ-ნაბიჯ ჩვენც მივყვებით
გამოიძახე ექიმი სახლში - REDMED ინოვაცია ქართულ სამედიცინო სფეროში
#იმოგზაურევისოლთანერთად - საქართველოს დაცულ ტერიტორიებზე მედია-ტური გაიმართა
Konica Minolta-ს პირველი ოფისი 12 ნოემბერს თბილისში ოფიციალურად გაიხსნა
ტოიოტა ფორტუნერი - თავდაჯერებულობა ნებისმიერ გზაზე, ახლა უკვე დიზელის ძრავით
აგრესიული რეგულაციების გვერდითი მოვლენები სამშენებლო ბაზარზე – ფასების ზრდა