გლდანში, მე-5 და მე-7 მიკრორაიონებს შორის არსებულ ტერიტორიაზე საფეხბურთო სპორტული ცენტრი აშენდება

გლდანში, მე-5 და მე-7 მიკრორაიონებს შორის არსებულ ტერიტორიაზე საფეხბურთო სპორტული ცენტრი აშენდება. ამის შესახებ თბილისის მერმა კახა კალაძემ „ფეისბუქ“ მიმართვისას განაცხადა.

კახა კალაძის თქმით, აღნიშნულ ტერიტორიაზე სპორტული ცენტრის პროექტს თბილისის მერია საქართველოს ფეხბურთის ფედერაციასთან ერთად ახორციელებს. მისივე თქმით, პროექტი 2020 წლის შემოდგომაზე დასრულდება. როგორც დედაქალაქის მერმა აღნიშნა, სპორტული ცენტრით ბავშვები უფასოდ ისარგებლებენ.

„გლდანში მე-5 და მე-7 მიკრორაიონებს შორის დიდი ტერიტორია არსებობს, რომელიც წლების განმავლობაში მიგდებული და გაუბედურებული იყო. თუმცა, ადრე, ჩემს ბავშვობაში აქ, მახსოვს სტადიონი იყო და სათამაშოდ ხშირად მოვდიოდით. გადავწყვიტეთ, რომ ფედერაციასთან ერთად განვახორციელოთ ძალიან მაგარი პროექტი, მხედველობაში მაქვს, საფეხბურთო სპორტული ცენტრი. მშენებლობას დღეს ვიწყებთ. პროექტი 2020 წლის სექტემბრის ან ოქტომბრის თვეში დასრულდება. გლდანს კიდევ ერთი სპორტული სივრცე შეემატება, სადაც ბავშვებს შესაძლებლობა ექნებათ იარონ არა ქალაქის სხვადასხვა უბნებში, არამედ აქვე, საკუთარ საცხოვრებელ კორპუსებთან ახლოს. ძალიან მაგარი პირობები ექნებათ. სპორტული მოედანი გაკეთდება ხელოვნური საფარით. ასევე იქნება ყველაფერი ის, რაც კი საჭიროა სპორტული ცენტრისთვის: საშხაპეები, გასახდელები და ა.შ. ეს ყველანაირად იქნება კეთილმოწყობილი, საშუალება ექნებათ ბავშვებს აქ ივარჯიშონ. რაც ყველაზე მთავარია, არ იქნება არანაირი გადასახადი. ფეხბურთის ფედერაცია ყველა ხარჯს საკუთარ თავზე იღებს. გლდანში ძალიან ბევრი პროექტი ხორციელდება. ჩვენ არ გვაქვს ის დამოკიდებულება, რომ მხოლოდ ცენტრალური უბნები გაკეთდეს. ყველა უბანი და რაიონი თანაბრად უნდა განვითარდეს“, - განაცხადა კახა კალაძემ.

იხილეთ ვიდეო

ლევან დოლიძე - ახლა განსაკუთრებით მნიშვნელოვანია აქტიურობა და ყველა იმ ინიციატიის განხილვა, რაც ჩვენი უსაფრთხოების გაძლიერების ახალ და ეფექტიან მექანიზმებს შექმნის
ქართული პრესის მიმოხილვა 26.11.2020
ზაალ ანჯაფარიძე - შესაძლოა, დასავლეთს არ ეპიტნავებოდეს „ქართული ოცნება,“ მაგრამ მან დაამტკიცა, რომ შეუძლია პარტნიორობაც და სტაბილურობის უზრუნველყოფაც, რაც დასავლეთისთვის პრიორიტეტულია
კოვიდ-19 პანდემიის ფონზე თანამედროვე საერთაშორისო სამოქალაქო ავიაციის სამართლებრივი პრობლემები და პერსპექტივები
რატომ არის მნიშვნელოვანი ცემენტის ხარისხის კონტროლი სეისმურად აქტიურ ზონაში
კრედო ბანკმა ევროპის განვითარების წამყვანი ფინანსური ინსტიტუტის - PROPARCO-სგან 5 მილიონი დოლარის ფინანსური რესურსი მოიზიდა
ლიბერთის აქცია #გულით პედაგოგებისთვის გრძელდება
„ვისოლის“ თვითმომსახურების სადგურზე „სმარტის“ სუპერმარკეტი და „დანკინის” ევროპაში პირველი Drive-Thru რესტორანი გაიხსნა
ათეა გენდერული ძალადობის წინააღმდეგ 16-დღიან გლობალურ კამპანიას უერთდება