ფილმთან „და ჩვენ ვიცეკვეთ“ დაკავშირებით, დიმიტრი ლორთქიფანიძის განცხადების საფუძველზე, შსს-მ შესწავლა დაიწყო

შინაგან საქმეთა სამინისტრომ ყოფილი დეპუტატის დიმიტრი ლორთქიფანიძის განცხადების საფუძველზე შესწავლა დაიწყო. ამის შესახებ ადამიანის უფლებათა დაცვისა და გამოძიების ხარისხის მონიტორინგის დეპარტამენტის დირექტორმა ნინო ცაციაშვილმა განაცხადა. ცაციაშვილის თქმით, დანაშაულის ნიშნების გამოკვეთის შემთხვევაში პოლიცია შესაბამის რეაგირებას მოახდენს.

„რაც შეეხება დიმიტრი ლორთქიფანიძის განცხადებას, მიმდინარეობს განცხადებაში მითითებული გარემოებების შესწავლა და დანაშაულის ნიშნების გამოკვეთის შემთხვევაში, პოლიციის მხრიდან იქნება შესაბამისი რეაგირება“, - განაცხადა ნინო ცაციაშვილმა.

ყოფილმა დეპუტატმა დიმიტრი ლორთქიფანიძემ შინაგან საქმეთა სამინისტროსა და გენერალურ პროკურატურას მიმართა, რათა ფილმის „და ჩვენ ვიცეკვეთ“ ჩვენება აიკრძალოს და მასთან დაკავშირებით გამოძიება დაიწყოს. კერძოდ, დეპუტატი ამბობს, რომ ფილმი შეიცავს პორნოგრაფიულ კონტენტს, რაც ჩვენი სისხლის სამართლის კოდექსის 255-ე მუხლის პირველი ნაწილის თანახმად, არის გამომრიცხავი გარემოება ასეთი ფილმის კინოჩვენებაში და კინოგაქირავებაში ჩაშვებასთან დაკავშირებით.

მაია ბითაძე - ევროპამ 50 წლით გაგვისწრო, მაგრამ ნაბიჯ-ნაბიჯ ჩვენც მივყვებით
ქართული პრესის მიმოხილვა 12.11.2019
ვახტანგ ძაბირაძე - ოპოზიციაში არ ჩანს ოპოზიციური ძალა, რომელიც ოპოზიციურად განწყობილი პოლიტიკური ძალებისა და ელექტორატის ლიდერი გახდებოდა
„სამ რაან სპა-ცენტრი“ ევროპის საუკეთესო სპად დასახელდა