მაიკ პომპეო - ნატო-ს გაფართოება და ცვლილებები სჭირდება

ამერიკის შეერთებული შტატების სახელმწიფო მდივანმა მაიკ პომპეომ, ბერლინის კედლის დანგრევის 30 წლისთავისადმი მიძღვნილ სიტყვაში, ჩინეთიდან, რუსეთიდან და ირანიდან მომდინარე საფრთხეებზე ისაუბრა.

„დასავლურ, თავისუფალ სახელმწიფოებს აქვთ პასუხისმგებლობა, რომ ხალხს ააცილონ ჩინეთიდან, რუსეთიდან და ირანიდან მომავალ საფრთხეები. შეერთებულმა შტატებმა და მისმა მოკავშირეებმა უნდა დაიცვან ის, რაც ასე რთულად მოიპოვეს 1989 წელს. მათ უნდა აღიარონ, რომ არათავისუფალ ქვეყნებთან ფასეულობების შეჯიბრში არიან“, -განაცხადა პომპეომ ბერლინის კედელთან სიტყვის გამოსვლისას.

მაიკ პომპეომ ჩრდილოატლანტიკურ ალიანსზეც ისაუბრა და აღნიშნა, რომ ნატო-ს გაფართოება და ცვლილებები სჭირდება, რათა დღეს არსებულ რეალობებსა და გამოწვევებს დაუპირისპირდეს.

მაია ბითაძე - ევროპამ 50 წლით გაგვისწრო, მაგრამ ნაბიჯ-ნაბიჯ ჩვენც მივყვებით
ქართული პრესის მიმოხილვა 12.11.2019
ვახტანგ ძაბირაძე - ოპოზიციაში არ ჩანს ოპოზიციური ძალა, რომელიც ოპოზიციურად განწყობილი პოლიტიკური ძალებისა და ელექტორატის ლიდერი გახდებოდა
„სამ რაან სპა-ცენტრი“ ევროპის საუკეთესო სპად დასახელდა