ნაზი ჯანეზაშვილი - არავინ დაიჯეროს, რომ უზენაესი სასამართლოს მოსამართლეობის კანდიდატთა სიაში ჩინჩალაძის ნებართვის გარეშე ერთი ადამიანი მაინც მოხვდა

არავინ დაიჯეროს, რომ უზენაესი სასამართლოს მოსამართლეობის კანდიდატთა სიაში, ჩინჩალაძის ნებართვის გარეშე, ერთი ადამიანი მაინც მოხვდა, - ამის შესახებ იუსტიციის უმაღლესი საბჭოს არამოსამართლე წევრმა ნაზი ჯანეზაშვილმა ჟურნალისტებთან საუბრისას განაცხადა.

მისივე თქმით, თუ ამ კანდიდატებიდან პარლამენტი ერთს მაინც შეარჩევს, ეს „კლანთან“ კომპრომისი იქნება.

„ის პროცესი, რომელიც იუსტიციის უმაღლესმა საბჭომ განახორციელა, არ იმსახურებს ნდობას და უფრო მეტიც, იმდენად ბევრია დარღვევა, რომ პარლამენტმა ერთი კაციც რომ აირჩიოს ამ კანდიდატებიდან, იქნება ამ ხარვეზებისა და დარღვევების ლეგიტიმაცია. ეს იქნება კომპრომისი „კლანთან“, რადგან არავინ დაიჯეროს, რომ ამ სიაში ერთი ადამიანი მაინც მოხვდა ჩინჩალაძის ნებართვის გარეშე. ცხადია, რომ ვინც ამ სიაში მოხვდა, მისი კანდიდატურა არის დადასტურებული ჩინჩალაძისა და მისი „კლანის“ მიერ. ამიტომ მნიშვნელოვანია, რომ პარლამენტმა ეს გაიაზროს“, - განაცხადა ჯანეზაშვილმა.

ცნობისთვის, დღეს პარლამენტში უზენაესი სასამართლოს მოსამართლეობის ბოლო კანდიდატს მოუსმინეს.

იოსებ ბარათაშვილი - ახლა მთავარია, გამოძიებამ უტყუარად დაადგინოს იმ პირების ვინაობა, რომელთა ქმედებამაც გამოიწვია შაქარაშვილის გარდაცვალება
ქართული პრესის მიმოხილვა 10.07.2020
ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ყაზახეთ-საქართველოს თანამშრომლობის ახალი ეტაპი იწყება
სუბსიდირებული იპოთეკური სესხი - ახალი შესაძლებლობა ტერაბანკისგან
სილქნეტის მობილური აბონენტები თიბისის მობაილბანკით სარგებლობას ინტერნეტის დახარჯვის გარეშე შეძლებენ