ირაკლი ზარქუა - „ნაციონალური მოძრაობა“ ბანძი ოპოზიციაა

თბილისის საკრებულოს სხდომაზე, საკრებულოს თავმჯდომარის მოადგილემ ირაკლი ზარქუამ მერიის მიერ საახალწლო ილუმინაციების შეძენაზე და ტენდერების გამოცხადების პროცედურებზე ოპოზიციის განცხადებებს უპასუხა.

მისი თქმით, საახალწლო ილუმინაციები დედაქალაქს სჭირდება, ტენდერები კი ღია და გამჭვირვალეა, რომლის შესახებ ინფორმაციაც ყველასთვის ხელმისაწვდომია.

„წინა ხელისუფლების დროს, 2009 წელს, 2 მილიონ 50 ათასი აქვთ დახარჯული საახალწლო ილუმინაციების შეძენა-ექსპლუატაციაზე, 2010 წელს 2 მილიონ 655 ათასი, 2011 წელს მილიონ 947 ათასი. ნაძვის ხესაც ვიყიდით, ილუმინაციებსაც, იმიტომ რომ საახალწლო განათება და ღონისძიებები სჭირდება დედაქალაქს და ის რომ, ამას თბილისის მერია მოსახლეობის ინტერესების გათვალისწინებით აკეთებს, ოპოზიციის მიერ ჩატარებულ რეიტინგებშიც ჩანს, სადაც კახა კალაძე ლიდერია, „ნაციონალური მოძრაობა“ კი 9%-იან ნიშნულზე.

რაც შეეხება ტენდერებს, რომელიც ოპოზიციამ ახსენა და განაცხადა, რომ თითქოს მხოლოდ ერთი კომპანია იღებს ამ ტენდერებში მონაწილეობას. პირიქით, ეს ინფორმაცია საჯარო, ღია და გამჭვირვალეა. ჩვენ ვთქვით, რომ ვაკეთებთ აქცენტს ხარისხზე, რომ შეძენილი პროდუქცია გრძელვადიანი იყოს. წელს ახალი ნაძვის ხე შევიძინეთ, ძველი კი გადადის სხვა ლოკაციაზე“, - განაცხადა ირაკლი ზარქუამ.

თბილისის საკრებულოს თავმჯდომარის მოადგილემ მისი ოჯახის მიერ ქონების შეძენაზე „ნაციონალური მოძრაობის“ წევრის ლევან ხაბეიშვილის ბრალდებას უპასუხა და მორიგი სპექტაკლი უწოდა. მისი განცხადებით, „ნაციონალურ მოძრაობა“ მის ბულინგს ცდილობს.

„ვერასოდეს გავხდები „ნაციონალური მოძრაობის“ მსხვერპლი, იმიტომ რომ უსინდისოები, მორალის და ღირსების გარეშე არიან. განმარტებას საზოგადოებისთვის მაინც გავაკეთებ- ჩემი მეუღლის ოჯახი, რომელიც დღეს ახსენეს, კონკრეტულ მისამართზე 1977 წლიდან ცხოვრობს. ამ ადგილას დარჩენილი იყო მონაკვეთი, რომლის რეგისტრაციისთვის 2015 წელს ჩემი მეუღლის ოჯახმა ლეგალიზების კომისიას მიმართა, მე ამ დროს პოლიტიკაში არ ვიყავი. ლეგალიზების კომისიის გადაწყვეტილებით, მათ ეს მიწის ნაკვეთი შეიძინეს და ამის გადახდის ქვითრებიც არსებობს. ეს ბრალდება არის ბანძი ოპოზიციის მეთოდი, უაპელაციოდ დააბრალონ ადამიანს რამე და მერე ისე გაიქცნენ, რომ პასუხსაც არ დაელოდონ. „ნაციონალური მოძრაობა“ არის ბანძი ოპოზიცია, რომელიც მცდარ ინფორმაციას ავრცელებს“, - განაცხადა ირაკლი ზარქუამ.

მისივე თქმით, დედაქალაქის მთავრობა საკრებულოსთან ერთად ყველა პრობლემას აგვარებს, ავტობუსების, ტაქსის რეფორმები წარმატებით მიმდინარეობს და დედაქალაქს საოცარი ახალი წელი ელოდება.

აღნიშნულ ინფორმაციას თბილისის საკრებულო ავრცელებს.

თენგიზ ფხალაძე  -  თუკი დღეს ვინმე ხეირობს საქართველოში შექმნილი ვითარებით, ეს რუსეთია
ქართული პრესის მიმოხილვა 07.12.2019
რამაზ საყვარელიძე - არც ხელისუფლება ჰგავს პოლიტიკის დიდოსტატს და არც ოპოზიცია, ამიტომ არც ისე იწვიმებს, როგორც ისმის რევოლუციის ჭექა-ქუხილი
სამოქალაქო ავიაციის საერთაშორისო ორგანიზაცია (იკაო) 75 წლისაა
გერმანელ ეკონომისტთა ჯგუფმა (GET) საქართველოს ფინანსური სექტორის მონიტორინგის პირველი ნაწილი წარადგინა
ლიბერთის და რუსთაველის თეატრის ერთობლივი ახალი სოციალური პროექტი
ლიბერთი UN Women-ის ქალთა გაძლიერების პრინციპების გლობალურ ინიციატივას უერთდება
სუპერმარკეტების ქსელი „მაგნიტი“ წამახალისებელი გათამაშების გამარჯვებულებს 14 დეკემბერს გამოავლენს
მედიკამენტებით უზრუნველყოფის გაუმჯობესების მიზნით PSP-ში გერმანულ წამყვან მწარმოებელ კომპანია „ბერლინ-ხემის“ წარმომადგენლებთან შეხვედრა შედგა
რატომ არის კომპანია TOYOTA-ს მიერ წარმოებული ავტომობილები ასეთი პოპულარული და როგორ ზრუნავს კომპანია ხარისხის მუდმივ გაუმჯობესებაზე
„სილქნეტმა“ მობილურ ქსელში უპრეცედენტო სამუშაოები ჩაატარა - დღეისათვის კომპანია მომხმარებელს უსწრაფეს, 4.5G ინტერნეტს სთავაზობს