ავტოსატრანსპორტო შემთხვევის შედეგად ორი პირის გარდაცვალებაში ბრალდებულს 8 წლით თავისუფლების აღკვეთა მიესაჯა

ქუთაისის საქალაქო სასამართლომ სრულად გაიზიარა პროკურატურის მიერ წარდგენილი მტკიცებულებები და ავტოსატრანსპორტო შემთხვევის შედეგად ორი პირის გარდაცვალებაში ბრალდებული გ.მ. დამნაშავედ ცნო. აღნიშნულ ინფორმაციას პროკურატურის პრესსამსახური ავრცელებს.

მათივე ცნობით, სასამართლო პროცესზე გამოკვლეული მტკიცებულებებით უტყუარად დადასტურდა, რომ 2019 წლის 6 აგვისტოს ბაღდათში, გ.მ. მისი მართვის ქვეშ არსებული ,,ბმვ“-ს მარკის ავტომანქანით დასაშვებზე მეტი სიჩქარით მოძრაობდა.

„მანვე უზრუნველყო ავტომანქანის უსაფრთხოდ მართვა და მოპედს შეეჯახა. ავტოსატრანსპორტო შემთხვევის შედეგად მიღებული დაზიანებებით მოპედის მძღოლი დ.ზ. ადგილზე, ხოლო მისი მგზავრიმ.მ. რამდენიმე საათში საავადმყოფოში გარდაიცვალა.

გ.მ-ს ბრალდება 2019 წლის 13 აგვისტოს საქართველოს სისხლის სამართლის კოდექსის 276-ე მუხლის მე-8 ნაწილით (ტრანსპორტის მოძრაობის უსაფრთხოების წესის დარღვევა რამაც ორი ადამიანის სიცოცხლის მოსპობა გამოიწვია) წარედგინა და აღკვეთის ღონისძიების სახით პატიმრობა შეეფარდა. ქუთაისის საქალაქო სასამართლომ გ.მ. დამნაშავედ ცნო წარდგენილ ბრალდებაში და სასჯელის სახედ და ზომად 8 წლით თავისუფლების აღკვეთა განუსაზღვრა“, - აღნიშნულია პროკურატურის მიერ გავრცელებულ ინფორმაციაში.

ზვიად კირტავა - მთავარი მიზანი მაინც არის ინფიცირების ჯაჭვის გაწყვეტა და შემთხვევების შემცირება, ამის მიღწევის გარეშე საწოლების და პერსონალის კიდევ გაზრდაც ვერ აგვაცილებს ჯანდაცვის სისტემის გადატვირთვას
ქართული პრესის მიმოხილვა 04.12.2020
ვანო მაჭავარიანი - თუ ხელისუფლება და ოპოზიცია კოალიციური მმართველობის რაღაც ფორმაზე არ შეთანხმდნენ, ეს საქართველოსთვის უკეთესი პერსპექტივის ხელიდან გაშვებული შესაძლებლობა იქნება
საახალწლო შეთავაზება მრავალფუნქციური კომპლექსისგან "მოედანი"
ზოომარტი ექსკლუზიურად Wolt-ზე
თანამედროვე, მარტივი და უსაფრთხო ახალი ინტერნეტბანკინგი "პროკრედიტ ბანკის" მომხმარებლებისთვის