ფილარმონიასთან, სადაც “ქართული მარშის” წევრები არიან შეკრებილები, ლგბტ თემის სიმბოლიკიანი დროშა დაწვეს.
„ქართული მარშის“ ერთ-ერთმა ლიდერმა სანდრო ბრეგაძემ განმარტა, რომ ეს იყო აქციის პირველი ნაწილი, ხოლო მეორე ნაწილი „მალე დაიწყება“, თუმცა ის კვლავ არ აკონკრეტებს სამოქმედო გეგმას და იმას, თუ რა მეთოდით აპირებენ კინოთეატრ „ამირანში“ შესვლას და ფილმის ჩვენების ჩაშლას.
„თითოეული ჩვენგანის მოვალეობაა, რომ მშვიდობიანად ჩავშალოთ ეს მარაზმი და ერთხელ და სამუადმოდ თავისი ადგილი მივუჩინოთ სოდომისტებს და იმ სატანის მოციქულებს, რომლებიც მუდმივად ახორციელებენ ქართველი ერის ტერორს. ჩვენ არ დავუშვებთ გეიპროპაგანდას, ჩვენი სიწმინდეების შეურაცხყოფას. ჩვენ არ დავუშვებთ, რომ ამ ქვეყანაში იპარპაშონ იმ ადამიანებმა, რომლებიც არიან ქართველი ერის, ქრისტიანობის,ზნეობის და მორალის საწინააღმდეგოდ“, - განაცხადა სანდრო ბრეგაძემ.