ლევან ვასაძე - მინდა მივმართო ქვეყნის არაფორმალურ ხელმძღვანელს, ბიძინა ივანიშვილს - დავიღალეთ ცოტა თქვენი პოლიტიკური თამაშებით და ვეღარ გავიგეთ, ვის მხარეს ხართ

ბიზნესმენმა ლევან ვასაძემ „ვერის ბაღთან“ შეკრებილ მოქალაქეებთან სიტყვით მიმართვამდე სასულიერო პირებს ლოცვის წაკითხვა სთხოვა. რამდენიმე სასულიერო პირმა, შეკრებილ მოქალაქეებთან ერთად „მამაო ჩვენო“ წაიკითხა.

ლევან ვასაძემ სამართალდამცავებს, რომლებიც კინოთეატრებთან არიან მობილიზებულები, მიმართა და სთხოვა, რომ ფილმის „და ჩვენ ვიცეკვებთ“ ჩვენების გაუქმებაში ხელი არ შეუშალონ.

გარდა ამისა, ვასაძემ „ქართული ოცნების“ თავმჯდომარეს, ბიძინა ივანიშვილსაც მიმართა.

„მე მინდა მივმართო ჩვენი ქვეყნის არაფორმალურ ხელმძღვანელს, ბიძინა ივანიშვილს - ჩვენ დავიღალეთ ცოტა ამ თქვენი პოლიტიკური თამაშებით და ვეღარ გავიგეთ, ვის მხარეს ხართ თქვენ. ჩვენ ვართ შეგნებული, ტრადიციული, ეროვნული მოქალაქეები. მინდა მივმართო ბიძინას და ვუთხრა, რომ თუ შენ მართლა გეშინია ან ვერ აუქმებ ამ ფილმს, მაშინ მოდი და დაგვიდექი „ვერის ბაღში“, გელოდებით აქ ქართველი ხალხი. წამოიყვანე ირაკლი ღარიბაშვილიც და პრემიერ-მინისტრიც. დაგვანახეთ, რომ არ ემსახურებით ანტიტრადიციულ მიმდინარეობას, რომელიც გვანადგურებს ჩვენ. ასევე, მინდა მივმართო პოლიციელებს. ის ხალხი, რომელიც თქვენ გასისხლიანებდათ ზაფხულის განმავლობაში და ქვებს გესროდათ, ვინც ამას აფინანსებდა, სწორედ ის ხალხი შედის ამ კინოთეატრებში და მათ დაცვას გავალებენ თქვენ. აი, როგორ შეგიტრიალათ სატანამ სიმართლე. მოვუწოდებ ყველა პოლიციელს, ნუ შეგვიშლიან ხელს ამ სეანსების გაუქმებაში მთელი საქართველოს მასშტაბით", - განაცხადა ვასაძემ.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს