,,ქათული მარშის“ წარმომადგენლები, რომლებიც ვერის პარკში იყვნენ შეკრებილი, კინოთეატრ „ამირანისკენ“ დაიძრნენ.

ისინი კინოთეატრისკენ სტვენითა და შეძახილებით მიდიან, მათ შორის სკანდირებენ: „გაუმარჯოს საქართველოს“.

„ამირანთან“ მივიდა ერთ-ერთი სასულიერო პირიც, რომლის თქმითაც, ფილმთან „და ჩვენ ვიცეკვეთ“ დაკავშირებით საკუთარი პროტესტი უკვე გამოხატა იმით, რომ „ამირანთან“ მივიდა, უშუალოდ კინოთეატრში შესვლას და ფილმის ჩვენების ჩაშლას კი არ აპირებს.

აღსანიშნავია, რომ „ამირანთან“ პოლიციის გაძლიერებული შემადგენლობაა მობილიზებული.