„თბილისი გალერიასთან” სასულიერო პირები არიან შეკრებილი და ლოცვას აღავლენენ. მათი განცხადებით, ისინი აპროტესტებენ ფილმის „და ჩვენ ვიცეკვეთ” ჩვენებას. ასევე ტერიტორიაზე იმყოფება მრევლის ნაწილიც, რომლებსაც თან აქვთ ბანერი: „ფილმის გამშვებიცა და მნახველიც ისეო ქრისტეს მაგინებელია”.

სასულიერო პირების განცხადებით, ისინი პარაკლისს აღავლენენ და მშვიდობიანი ფორმით, ლოცვით გააპროტესტებენ ფილმის “და ჩვენ ვიცეკვეთ” ჩვენებას.

„თბილისი გალერიასთან” იმყოფება გურამ ფალავანდიშვილი. მისი განცხადებით, ისინი შეეცდებიან კინოთეატრში შევიდნენ.

„ხელებაწეული შევალთ და გამოვრთავთ ფილმს”,- აცხადებს გურამ ფალავანდიშვილი.

„გალერია თბილისის” შესასვლელთან საკმაოდ დიდი რაოდენობის სამართალდამცველები არიან მობილიზებული. ტერიტორიაზე ამ დროისთვის სიმშვიდეა.