„ამირანთან“ შეკრებილმა აქციის მონაწილეებმა მედიის წარმომადგენლებს სიტყვიერი შეურაცხყოფა მიაყენეს
კინოთეატრ „ამირანთან“ შეკრებილი აქციის მონაწილეების ნაწილი მედიის წარმომადგენლებისადმი აგერისიით გამოირჩევა.
როგორც „ინტერპრესნიუსის“ კორესპონდენტი ადგილიდან იუწყება, ცოტა ხნის წინ, აქციის ერთ-ერთმა მონაწილემ ტელეკომპანია „პალიტრანიუსის“ ოპერატორსა და ჟურნალისტს სიტყვიერი შეურაცხყოფა მიაყენა. ასევე, აქციის კიდევ ერთი მონაწილე სიტყვიერად დაუპირისპირდა ტელეკომპანია „პოსტივის“ ოპერატორსაც.
სიტუაცია პოლიციის ჩარევის შედეგად განიმუხტა.
„ამირანთან“ შეკრებილი, „ქართული მარშის“ წევრები და ბიზნესმენ ლევან ვასაძის მხარდამჭერები კინოთეატრში შესვლას ამ დრომდე ითხოვენ.
