“გალერია თბილისთან” მოქალაქე მივიდა, რომელსაც თან ევროკავშირის დროშა აქვს. მისი განცხადებით, ის, რაც ახლა ხდება არის “მოგონილი”. “სად იყვნენ 20 ივნისის ღამეს?” - აცხადებს მოქალაქე „გალერეასთან“ შეკრებილი იმ მოქალაქეების მისამართით, რომლებიც ფილმის „და ჩვენ ვიცეკვეთ“ პრემიერას აპროტესტებენ.
მისი ტერიტორიიდან გარიდება, დაპირისპირების თავიდან აცილების მიზნით, სამართალდამცველებმა სცადეს, თუმცა მოქალაქე კვლავ ტერიტორიაზე რჩება.
“გალერია თბილისთან” სასულიერო პირები და მრევლია შეკრებილი. ისინი ლიცვას აღავლენენ და ამბობენ, რომ ამ ფორმით მოსახლეობის “სულის გადარჩენას” ცდილობენ და ეწინააღმდეგებიან ფილმის “და ჩვენ ვიცეკვეთ” ჩვენებას.
სასულიერო პირები ამბობენ, რომ ისინი შესვლას არ აპირებენ დარბაზში.
ტერიტორიაზე იმყოფება გურამ ფალავანდიშვილი, რომელიც აცხადებს, რომ „შევა დარბაზში და ფილმს გამორთავს“.