დეკანოზი დავით ლასურაშვილი - დღესაც, ხვალაც და ზეგაც ვაპირებთ ლოცვით და მშვიდობიანი დგომით პროტესტის გამოხატვას იმის საწინააღმდეგოდ, რაც დღეს ხდება

დღესაც, ხვალაც და ზეგაც ვაპირებთ ლოცვით და მშვიდობიანი დგომით პროტესტის გამოხატვას იმის საწინააღმდეგოდ, რაც დღეს ხდება, - ამის შესახებ სოფელ დიღმის წმინდა გიორგის ეკლესიის წინამძღვარმა დეკანოზმა დავით ლასურაშვილმა „კავეა სითი მოლის“ წინ გამართულ აქციაზე ჟურნალისტებს განუცხადა, სადაც ფილმის "და ჩვენ ვიცეკვეთ" ჩვენებას აპროტესტებენ.

როგორც დეკანოზმა აღნიშნა, მათი პროტესტი " მამათმავლობის წინააღმდეგაა მიმართული“. მისივე თქმით, სითი მოლის წინ შეკრებილ აქტივისტებს არც "ქართულ მარშთან" და არც ლევან ვასაძესთან კავშირი არ აქვთ და მათი თანამოაზრეები არ არიან.

"არ გამოგივათ ეკლესიის ჩაწიხვლა. პეტრე ცაავას იპოვით ამისათვის, თუ სხვა ვინმეს, კატეგორიულად გეუბნებით, არ გამოგივათ! ეკლესია არასდროს იქნება დაცემული. დღესაც, ხვალაც და ზეგაც ვაპირებთ მშვიდობიანად ლოცვით და ჩვენი მშვიდობიანი დგომით პროტესტის გამოხატვას იმ ფაქტის საწინააღმდეგოდ, რაც ხდება დღეს, იმის, რომ ასეთი ბილწი ფილმის ჩვენება ხდება ფართო საზოგადოებისათვის. ჩვენი პროტესტი არის მამათმავლობის წინააღმდეგ", - აღნიშნა დეკანოზმა.

მისივე თქმით, საქართველოში მოღვაწე "უდიდესი უმრავლესობა არასამთავრობო ორგანიზაციებისა, სულის ჩამდგმელია იმ ქმედებების, რომლის წინააღმდეგაც დღეს იბრძვიან მშვიდობიანი პროტესტით".

"დღეს ჩვენს ქვეყანაში რაც ხდება, არის აშკარა ფაქტი იმისა, რომ ამ ქვეყანაში უცხოეთიდან დაფინანსებული არასამთავრობო ორგანიზაციები მოღვაწეობენ, სწორედ მათი პატრონაჟით ხორციელდება ეს ქმედებები, რომელიც ერთსქესიანთა ქორწინებას და ზოგადად, სოდომის ცოდვას ქადაგებენ და ამ ყველაფრის ტირაჟირებაზე არიან მორგებულნი", - განაცხადა დეკანოზმა.

გია ნოდია - თუ საარჩევნო სისტემასთან დაკავშირებით მმართველმა გუნდმა პოზიცია შეიცვალა, ეს მასზე ჩვენი დასავლელი პატრნიორების ზეწოლის შედეგი იქნება
ქართული პრესის მიმოხილვა 16.12.2019
ვახტანგ ძაბირაძე  -  თუ სახელმწიფოს მართვის სისტემის შეცვლა გინდა, იმ გზას კი არ უნდა გადიოდე, რომელიც შენმა წინამორბედმა გაიარა
Archdaily „ლისი დეველოპმენტის“ პროექტების შესახებ სტატიას აქვეყნებს
ჩინური კომპანია POWERCHINA/SINOHYDRO 202-ე უსინათლო ბავშვთა საჯარო სკოლას ეწვია