ნათია თურნავა თანამდებობის დატოვებაზე - დეპუტატი კობერიძე მოგვევლინა ნოსტრადამუსად

"ნაციონალური მოძრაობის" ნარატივია პირველ რიგში, რომელსაც ახმოვანებენ სხვადასხვა სიტუაციური პარტნიორები. ამ შემთხვევაში დეპუტატი კობერიძე მოგვევლინა ნოსტრადამუსად,- ამის შესახებ ეკონომიკისა და მდგრადი განვითარების მინისტრმა ,ნათია თურნავამ ჟურნალისტებს მის მიერ თანამდებობის შესაძლო დატოვებასთან დაკავშირებით გავრცელებული ინფორმაციის კომენტირებისას განუცხადა.

ნათია თურნავა მის შესაძლო გადადგომასთან დაკავშირებულ ინფორმაციას არასერიოზულს უწოდებს და შავი პიარის ნაწილად აფასებს.

"მე მოვისმინე ერთ-ერთი ჩვენი ადგილობრივი ნოსტრადამუსის წინასწარმეტყველება. თუ არ ვცდები, ეს იყო დეპუტატი კობერიძე, რომელიც გამოდიოდა თავისი წინასწარმეტყველებით. ეს არის სასაცილო და არასერიოზული. არის ზოგადად იმ შავი პიარის ნაწილი, რასაც ოპოზიცია ცდილობს და "ნაციონალური მოძრაობის" ნარატივია პირველ რიგში, რომელსაც ახმოვანებენ სხვადასხვა სიტუაციური პარტნიორები. ამ შემთხვევაში დეპუტატი კობერიძე მოგვევლინა ნოსტრადამუსად. ეს მიმართულია იმისკენ, რომ შეიქმნას განცდა, თითქოს რაღაც ხდება მთავრობაში, მაგრამ რასაკვირველია, წყაროც და თავად ინფორმაციაც არასერიოზულია და ამაზე სერიოზული კომენტარი ვერ მექნება",-აღნიშნა თურნავამ.

შეგახსენებთ, დღეს კიდევ ერთხელ გავრცელდა ინფორმაცია, რომ ნათია თურნავამ შესაძლოა, ეკონომიკის მინისტრის თანამდებობა დატოვოს.

ლევან დოლიძე - ახლა განსაკუთრებით მნიშვნელოვანია აქტიურობა და ყველა იმ ინიციატიის განხილვა, რაც ჩვენი უსაფრთხოების გაძლიერების ახალ და ეფექტიან მექანიზმებს შექმნის
ქართული პრესის მიმოხილვა 26.11.2020
ზაალ ანჯაფარიძე - შესაძლოა, დასავლეთს არ ეპიტნავებოდეს „ქართული ოცნება,“ მაგრამ მან დაამტკიცა, რომ შეუძლია პარტნიორობაც და სტაბილურობის უზრუნველყოფაც, რაც დასავლეთისთვის პრიორიტეტულია
უსაფრთხოებაზე გამავალი ერთობა: მოსაზრებები, შესაძლებლობები, შეთავაზებები
სილქფესტი ფასდაკლებების კვირეულს ხუთი ყველაზე მოთხოვნადი შეთავაზებით უერთდება
Wolt-ის ლურჯი პარასკევი დაიწყო
ახალი Economy და Isolated კატეგორიები Bolt-ის აპლიკაციაში
ექსპოჯორჯია აგრო ექსპორტის ფორუმს ონლაინ, B2B ფორმატში გამართავს
„9 შავი პარასკევი“ ექსტრაზე Mastercard-ისგან