ანა ნაცვლიშვილი - გასუსულები არიან ოლიგარქია რომ იტაცებს ამ ქვეყანას, მარტო "გეიებზე" ახსენდებათ სამშობლო

გასუსულები არიან ოლიგარქია რომ იტაცებს ამ ქვეყანას, მარტო "გეიებზე" ახსენდებათ სამშობლო, - ასე აფასებს ანა ნაცვლიშვილი კინოთეატრებთან მიმდინარე საპროტესტო აქციებს. ანა ნაცვლიშვილის განცხადებას მოძრაობა „ლელო“ ავრცელებს. როგორც განცხადებაშია ნათქვამი, ადამიანები ვინც კინოჩვენების ჩაშლას ცდილობდნენ, ფეიკი პატრიოტები არიან.

,,რა ღუპავს საქართველოს? სიყალბე! აი, ეს ფეიკი პატრიოტები, რომლებიც ვითომ ქვეყანას იცავენ, მაგრამ გასუსულები არიან, როცა ქართულ მიწებს ისაკუთრებს და ადამიანებს იტაცებს ოკუპანტი, გასუსულები არიან, როცა ქვეყანა იცლება ადამიანებისგან, რომლებიც სიღარიბეს და უიმედობას გაურბიან საზღვარგარეთ, გასუსულები არიან, როცა ათასობით ბავშვი შიმშილობს, როცა მათი მშობლები თავზარდაცემულები არიან - რით გაიტანონ თავი, გასუსულები არიან, როცა ჰაერში იმდენი ტყვია ტრიალებს და პირდაპირი გაგებით გადაგვარებით და დაავადებით ემუქრება ქვეყნის მომავალ თაობას, გასუსულები არიან, როცა ადამიანები ცვივიან მშენებლობებიდან და იღუპებიან და ა.შ. გასუსულები არიან ოლიგარქია რომ იტაცებს ამ ქვეყანას, მარტო "გეიებზე" ახსენდებათ სამშობლო!

ეს ფილმი შეიძლება არ მოგწონდეს, გაღიზიანებდეს, ან არ გაინტერესებდეს და არ უყურო. ეს ყველას უფლებაა და დაცული უნდა იყოს. მაგრამ! ძალადობა და ძალადობის მუქარა არ არის გამოხატვის თავისუფლება, დანაშაულია! ნათელია, რომ ამ ჯგუფებს ხელისუფლება ახალისებდა და ახალისებს, და მერე იყენებს, როგორც "სიტუაციას სჭირდება" ისე, ზოგჯერ ძალის დემონსტრირებისთვის, ზოგჯერ ყალბი დღისწესრიგის შესადგენად და ყურადღების გადასატანად’, ’ -აცხადებს ანა ნაცვლიშვილმა.

მაია ბითაძე - ევროპამ 50 წლით გაგვისწრო, მაგრამ ნაბიჯ-ნაბიჯ ჩვენც მივყვებით
ქართული პრესის მიმოხილვა 12.11.2019
ვახტანგ ძაბირაძე - ოპოზიციაში არ ჩანს ოპოზიციური ძალა, რომელიც ოპოზიციურად განწყობილი პოლიტიკური ძალებისა და ელექტორატის ლიდერი გახდებოდა
„სამ რაან სპა-ცენტრი“ ევროპის საუკეთესო სპად დასახელდა