საქართველოს ტურიზმის ადმინისტრაციამ მსოფლიოში ერთ-ერთ ყველაზე დიდ ლონდონის საერთაშორისო ტურისტულ გამოფენა-ბაზრობაზე მიიღო მონაწილეობა

საქართველოს ტურიზმის ეროვნულმა ადმინისტრაციამ მსოფლიოში ერთ-ერთ ყველაზე დიდ და მნიშვნელოვან ლონდონის საერთაშორისო ტურისტულ გამოფენა- ბაზრობაზე WTM London 2019 მიიღო მონაწილეობა. World Travel Market 2019 ტურიზმის ინდუსტრიაში ერთ-ერთი ყველაზე მნიშვნელოვანი პლათფორმაა, სადაც მსოფლიოს თითქმის ყველა ქვეყნის, უმსხვილესი ტურისტული სერვისის მიმწოდებლები არიან წარმოდგენილი. აღსანიშნავია, რომ საქართველო ლონდონის გამოფენაზე ევროპის მთავარ პავილიონში იყო წარმოდგენილი.

როგორც „ინტერპრესნიუსს“ ტურიზმის ეროვნული დეპარტამენტიდან აცნობეს დიდ ბრიტანეთში საერთაშორისო ტურისტულ გამოფენა- ბაზრობაზე WTM London 2019 საქართველოს სტენდი გაეროს მსოფლიო ტურიზმის ადმინისტრაციის ხელმძღვანელმა ზურაბ პოლოლიკაშვილმა მოინახულა.

World Travel Market 2019-ზე ტურიზმის ეროვნული ადმინისტრაციასთან ერთად საქართველოს სტენდზე თბილისის მერია, აჭარის ტურიზმის დეპარტამენტი და 20-მდე კერძო სექტორი იყო წარმოდგენილი.

მსოფლიოში ერთ-ერთ უდიდეს გამოფენა-ბაზრობაზე საქართველოს სტენდთან ღვინის დეგუსტაცია გაიმართა და ქვეყნის შესახებ პრეზენტაცია მოეწყო. სტენდზე მოსულ სტუმრებს საშუალება ჰქონდათ დეტალური ინფორმაცია მიეღოთ საქართველოს ტურისტული პოტენციალის შესახებ. დამთვალიერებლებს საშუალება ჰქონდათ გაცნობოდნენ საქართველოს უნიკალურ ტურისტულ მიმართულებებს.

გამოფენა ბაზრობის ფარგლებში ტურიზმის ეროვნული ადმინისტრაციის ხელმძღვანელმა შეხვედრები გამართა მსოფლიოს სხვადასხვა ავია კომპანიებთან, წამყვან ტუროპერატორებთან და მარკეტინგულ კომპანიებთან.

ტურიზმის ეროვნული ადმინისტრაციის ხელმძღვანელი მარიამ ქვრივიშვილი საუდის არაბეთის სიდიდით მეორე ნაციონალური ავიკომპანია Flynas აღმასრულებელ დირექტორს ბანდერ ალმოჰანას შეხვდა.

„ფლაინასი“ ერ-რიადიდან თბილისის მიმართულებით ფრენებს 2 ოქტომბრიდან ზამთრის სეზონზე კვირაში 3-ჯერ ახორციელებს.

ლონდონის გამოფენის ფარგლებში გამართულ შეხვედრაზე საუბარი შედგა საუდის არაბეთის ქალაქ ჯედადან ზამთრის სეზონზე თბილისის მიმართილებით კვირაში 2 სიხშირით რეისების გახსნაზე. ზამთრის სეზონზე საუდის არაბეთის მსხვილი ქალაქებიდან რიადი და ჯედა თბილისის მიმართულებით ფრენები ჯამში კვირაში 5 სიხშრით განხორციელდება.

ლონდონის გამოფენის ფარგლებში ტურიზმის ადმინისტრაციის ხელმძღვანელს უმნიშვნელოვანესი შეხვედრა ჰქონდა ფინეთის უმსხვილესი ავიაკომპანია ფინეარის (Finnair) წარმომადგენლებთან.

ფინეთის მხარემ დაინტერესება გამოთქვა საქართველოში რეისების დანიშვნასთან დაკავშირებით,შედგა შეთანხმება, რომ ეკონომიკისა და მდგრადი განვითარების სამინისტროს შესაბამის უწყებებთან ერთად გაგრძელდება მუშაობა, აღნიშნულ საკითხთან დაკავშრებით

ფინეარი მსოფლიში მეექვსე უძველესი ავიაკომპანიაა, რომელიც უწყვეტ რეჟიმში მუშაობს. ფინეარი ჰელსინკიდან დაფრინავს აზიაში 130-ზე მეტი მიმართულებით, 40 ზე მეტ ქვეყანაში ევროპისა და ჩრდილოეთ ამერიკის მიმართულებით.

„ჩვენ ჩამოვედით ძალიან მნიშვნელოვანი და ხელშესახები შედეგებით, ჩვენთვის სტარტეგიულად მნიშვნელოვან ავიაკომპანიებთან და მსხვილ ტუროპერატორებთან ძალიან ღირებული შეხვედრები შედგა.

გამოფენაზე„ World Travel Market 2019-ის ჩვენთან ერთად იმყოფებოდნენ ტურისტული სექტორის წარმომადგენელები, მათგან უკვე გვაქვს პოზიტიური უკუკავშირი იმასთან დაკავშრებით, რომ გამოფენის ფარგლებში მათ მივეცით უნიკალური საშუალება დაემყარებინათ კონტაქტები არამხოლოდ ლონდონის არამედ მსოფლიო მასშტაბით ცენტრალურად მნიშვნელოვანი ქვეყნების ტუროპერატორებთან.

ძალიან მოხარულები ვართ, რომ საქართველოს სტენდზე ვუმასპინძლეთ გაეროს მსოფლიო ტურიზმის ორგანიზაციის გენერალურ მდივანს. ლონდონის საერთაშორისო ტურისტული გამოფენა კიდევ ერთი უნიკალური შანსია მსოფლიოს ვაჩვენოთ საქართველოს ტურისტული შესაძლებლობები და მოვიზიდოთ კიდევ უფრო მეტი მაღალმხარჯველიანი ტურისტი ევროპიდან“, - -განაცხადა მარიამ ქვრივიშვილმა

ლონდონის ტურისტული გამოფენა 40 წელია ტარდება. WTM 2019 გამოფენა-ბაზრობაზე მსოფლიოს 200-მდე ქვეყნიდან ტურისტული ინდუსტრიის 50 ათასზე მეტი პროფესიონალი დაესწრო.

თენგიზ ფხალაძე  -  თუკი დღეს ვინმე ხეირობს საქართველოში შექმნილი ვითარებით, ეს რუსეთია
ქართული პრესის მიმოხილვა 07.12.2019
რამაზ საყვარელიძე - არც ხელისუფლება ჰგავს პოლიტიკის დიდოსტატს და არც ოპოზიცია, ამიტომ არც ისე იწვიმებს, როგორც ისმის რევოლუციის ჭექა-ქუხილი
სამოქალაქო ავიაციის საერთაშორისო ორგანიზაცია (იკაო) 75 წლისაა
გერმანელ ეკონომისტთა ჯგუფმა (GET) საქართველოს ფინანსური სექტორის მონიტორინგის პირველი ნაწილი წარადგინა
ლიბერთის და რუსთაველის თეატრის ერთობლივი ახალი სოციალური პროექტი
ლიბერთი UN Women-ის ქალთა გაძლიერების პრინციპების გლობალურ ინიციატივას უერთდება
სუპერმარკეტების ქსელი „მაგნიტი“ წამახალისებელი გათამაშების გამარჯვებულებს 14 დეკემბერს გამოავლენს
მედიკამენტებით უზრუნველყოფის გაუმჯობესების მიზნით PSP-ში გერმანულ წამყვან მწარმოებელ კომპანია „ბერლინ-ხემის“ წარმომადგენლებთან შეხვედრა შედგა
რატომ არის კომპანია TOYOTA-ს მიერ წარმოებული ავტომობილები ასეთი პოპულარული და როგორ ზრუნავს კომპანია ხარისხის მუდმივ გაუმჯობესებაზე
„სილქნეტმა“ მობილურ ქსელში უპრეცედენტო სამუშაოები ჩაატარა - დღეისათვის კომპანია მომხმარებელს უსწრაფეს, 4.5G ინტერნეტს სთავაზობს
BDO-მ მცირე და საშუალო სავაჭრო კომპანიების წამომადგენლებს კონფერენციაზე უმასპინძლა