„თბილისი გალერიში“ მდებარე კინოთეატრ "კავეაში" ფილმის "და ჩვენ ვიცეკვეთ" ჩვენება დასრულდა. მაყურებელმა დარბაზი მშვიდ ვითარებაში დატოვა.
ფილმის დასრულებამდე სავაჭრო ცენტრის შენობაში, კინოთეატრის მიმდებარე ტერიტორიაზე იმყოფებოდნენ გურამ ფალავანდიშვილი და მისი თანამოაზრეები. "თბილისი გალერის" მიმდებარე ტერიტორიაზე და შენობაში ფილმის ჩვენებას სასულიერო პირები, მრევლი, გურამ ფალავანდიშვილი და მისი მხარდამჭერები დაახლოებით 19:00 საათიდან აპროტესტებდნენ.
ფილმის დაწყებამდე სასულიერო პირებმა ლოცვა აღავლინეს, ჩატარდა ზეთისცხებაც, რაც მათი განცხადებით "სულის გადასარჩენად" იყო მიმართული.
ფალავანდიშვილი ხელებაწეული ითხოვდა პოლიციისგან, კინოდარბაზში შესვლის უფლება მიეცათ, თუმცა პოლიციამ მას ამის საშუალება არ მისცა. ფილმის "და ჩვენ ვიცეკვეთ" ჩვენება კონოთეატრებში 9 და 10 ნოემბერსაც არის დაგეგმილი.