ბრაზილიის ექს-პრეზიდენტი პატიმრობიდან გაათავისუფლეს

ბრაზილიის ყოფილი პრეზიდენტი ლუის იგნასიო ლულა დე სილვა 18-თვიანი პატიმრობის შემდეგ ციხიდან გაათავისუფლეს, - ამის შესახებ ინფორმაციას „ბიბისი“ ავრცელებს.

გამოცემის ცნობით, ლულა დე სილვა, რომელსაც კორუფციული ბრალდებების გამო 2018 წელს 12- წლიანი პატიმრობა მიუსაჯეს, უზენაესი სასამართლოს გადაწყვეტილების საფუძველზე გაათავისუფლეს. აღნიშნული გადაწყვეტილება სასჯელის აღსრულების პრაქტიკის შეცვლას ითვალისწინებს და მსჯავრდებულების დაპატიმრებას მხოლოდ იმ შემთხვევაში ითვალისწინებს, თუკი მათ მიმართ გამამტყუნებელ განაჩენს სამივე ინსტანციის სასამართლო გამოიტანს. აქამდე მოქმედი წესით კი ბრალდებულებს გამამტყუნებელი განაჩენის პირველივე ინსტანციის სასამართლოში გამოტანისთანავე აპატიმრებდნენ.

აღნიშნული ცვლილება ყოფილ პრეზიდენტთან ერთად ათასობით მსჯავრდებულს შეეხო.

74 წლის ექს-პრეზიდენტი ქვეყნის სათავეში 2003-2010 წლებში იდგა. ლულა დე სილვა გასული წლის საპრეზიდენტო არჩევნებშიც აპირებდა მონაწილეობის მიღებას, თუმცა ის კორუფციული ბრალდებების გამო დააპატიმრეს.

გათავისუფლებულმა ექს-პრეზიდენტმა მხარდამჭერებთან პირველი კომენტარი გააკეთა, ბრალდებები კიდევ ერთხელ უარყო და განაცხადა, რომ თავის უდანაშაულობას დაამტკიცებს და ბრაზილიის უკეთესი მომავლისთვის ბრძოლას განაგრძობს.

მაია ბითაძე - ევროპამ 50 წლით გაგვისწრო, მაგრამ ნაბიჯ-ნაბიჯ ჩვენც მივყვებით
ქართული პრესის მიმოხილვა 12.11.2019
ვახტანგ ძაბირაძე - ოპოზიციაში არ ჩანს ოპოზიციური ძალა, რომელიც ოპოზიციურად განწყობილი პოლიტიკური ძალებისა და ელექტორატის ლიდერი გახდებოდა
„სამ რაან სპა-ცენტრი“ ევროპის საუკეთესო სპად დასახელდა