ფოთის საკრებულოს თავმჯდომარეს ირაკლი კაკულიას დღეს ბრალს ოფიციალურად წაუყენებენ

ფოთის საკრებულოს თავმჯდომარეს ირაკლი კაკულიას დღეს ბრალს ოფიციალურად წაუყენებენ.

როგორც ,,ინტერპრესნიუსს“ ფოთის საკრებულოს თავმჯდომარის ირაკლი კაკულიას და ფოთის მერიის თანამშრომლის ნიკოლოზ გრიგოლიას ადვოკატმა ნუგზარ ტეყებუჩავამ განუცხადა, სასამართლო პროცესი ხვალ ზუგდიდში გაიმართება.

„დაკავებულებს ბრალს დღეს ოფიციალურად წაუყენებენ. ველოდები გამომძიებლის ზარს, რათა ამ პროცესს დავესწრო. ხვალ კი ზუგდიდში გაიმართება სასამართლო პროცესი და ამის შემდეგ გადაწყვეტს სასამართლო, აღკვეთის ღონისძიების რომელი სახე იქნება შერჩეული, გირაო თუ პატიმრობა"- აღნიშნა ნუგზარ ტყებუჩავამ.

შეგახსენებთ, რომ ფოთის საკრებულოს თავმჯდომარე და მასთან ერთად კიდევ 3 პირი გუშინ დააკავეს. დაკავებულებს ბრალად ედებათ მართლსაწინააღმდეგო მისაკუთრების მიზნით დიდი ოდენობით სახელმწიფო ქონების თაღლითურად დაუფლებაში დახმარება, სახელმწიფო ქონების გაფლანგვა, განსაკუთრებით დიდი ოდენობით ქრთამის აღება, სამსახურებრივი უფლებამოსილების ბოროტად გამოყენება, სამსახურებრივი გულგრილობა და ყალბი საანგარიშსწორებო დოკუმენტის დამზადება-გამოყენება.

ამირან სალუქვაძე - რაც ახლა ხდება, ეს არა პოლიტიკური კრიზისი, არამედ პოლიტიკურ ოპონენტთა შორის თანაცხოვრების კრიზისია
ქართული პრესის მიმოხილვა 22.11.2019
მიხეილ კალანდია - თამამად შემიძლია ვთქვა, რომ 19 წლის ასაკში პოლიტიკური პატიმარი ვარ
თეგეტა მოტორსის სპეციალური შეთავაზება ზამთრის საბურავებზე
სადაზღვევო კომპანია პრაიმში მასშტაბურმა აქცია დაიწყო!
სპეციალური პირობები სამშენებლო კომპანიებისთვის SAP Business One-ის დანერგვაზე BDO-სგან
26 ახალი და გემრიელი შესაძლებლობა - საბვეიში განახლებული მენიუა (R)