თურქეთი სირიას არ დატოვებს ვიდრე ყველა ქვეყანა რეგიონიდან არ გავა. ამის შესახებ თურქეთის პრეზიდენტმა, რეჯეფ თაიპ ერდოღანმა განაცხადა. მისი თქმით, ოფიციალური ანკარა არ შეწყვეტს სირიის ჩღდილო-აღმოსავლეთში ოპერაციის განხორციელებას მანამ, სანამ ქურთი მეომრები ტერიტორიებს არ დატოვებენ.

„ჩვენ არ გავჩერდებით ვიდრე უკანასკნელი ტერორისტიც არ დატოვებს რეგიონს და აქ ვიქნებით მანამ, სანამ სხვა ყველა ქვეყანა არ გავა“, -განაცხადა ერდოღანმა.

თურქეთმა სირიის ჩრდილო-აღმოსავლეთით სამხედრო ოპერაციები ოქტომბერში დაიწყო 120 კილომეტრიანი ზოლის ქურთი მებრძოლებისგან გაწმენდის მიზნით.