„ერთიანმა ნაციონალურმა მოძრაობამ“ 2020 წლის საპარლამენტო არჩევნებისთვის მზადება დაიწყო. ამის შესახებ „ინტერპრესნიუსს“ „ერთიანი ნაციონალური მოძრაობიდან“ აცნობეს.
მათი ინფორმაციით, ლიდერები რეგიონებში შეხვედრებს აგრძელებენ, სადაც ადგილობრივების პრობლემებს ისმენენ და გამარჯვების შემდეგ დახმარებას აპირებენ.
„პარტიის ლიდერები გრიგოლ ვაშაძე და დავით კირკიტაძე შიდა ქართლის რეგიონალური ორგანიზაციის ხელმძღვანელ ბადრი ბასიშვილთან ერთად კასპისა და სოფელ ოკამის მოსახლეობას შეხვდნენ.
მცხოვრებლების მთავარი პრობლემა უმუშევრობაა, მათ უკიდურეს გაჭირვებაში უწევთ ცხოვრება, ადგილობრივი ხელისუფლება კი დასახმარებლად არაფერს აკეთებს და საარჩევნო დაპირებები კვლავ შეუსრულებელია“, - აღნიშნულია „ერთიანი ნაციონალური მოძრაობის“ მიერ გავრცელებულ ინფორმაციაში.