ეს არის უპრეცედენტო მასშტაბის ქველმოქმედება. ჩვენ ადვილად ვსაუბრობთ ხოლმე ამაზე, საუბარია 1 მილიარდ ევროზე, რომელიც ამ უნივერსიტეტის მშენებლობაზე დაიხარჯება“,- ამის შესახებ ფრაქცია ,,ქართული ოცნების“ თავმჯომარე მამუკა მდინარაძემ ქუთაისის საერთაშორისო უნივერსიტეტთან დაკავშირებით განაცხადა.
მისივე შეფასებით, ეს არის უპრეცედენტო მასშტაბის ქველმოქმედება.
„ჩვენ ადვილად ვსაუბრობთ ხოლმე ამაზე. საუბარია 1 მილიარდ ევროზე, რომელიც ამ უნივერსიტეტის მშენებლობაზე დაიხარჯება. როცა ვსაუბრობთ გრძელვადიან პერსპექტივაზე გათვლილ განათლების რეფორმაზე, ეს არის უდიდესი კომპონენტი ამ რეფორმაში. ვერც ერთმა ადამიანმა, ვერც ერთმა ხელისუფლებამ ვერ გაბედა ადრე, რომ გრძელვადიან პერსპექტივაზე გაეთვალა თავისი გეგმები. ეს პირველი გაბედა ბიძინა ივანიშვილმა და „ქართულმა ოცნებამ”.
1 მილიარდი ევრო დაიხარჯება იმაში, რომ ჩვენ შვილებს, ჩვენ მომავალ თაობებს ჰქონდეთ გაცილებით მაღალი ხარისხის განათლება, იყვნენ გაცილებით კომპეტენტურები, ვიდრე ჩვენ ვართ, არ ჰქონდეთ პრობლემა დასაქმების და საქართველოში, ადგილზე მიიღონ ევროპული ხარისხის განათლება“,- განაცხადა მამუკა მდინარაძემ.