ლევან ვასაძე მხარდამჭერებთან ერთად ვერის პარკში მივიდა

ბიზნესმენი ლევან ვასაძე ვერის პარკში თავის მხარდამჭერებთან ერთად მივიდა. ვერის პარკში იმყოფება რამდენიმე სასულიერო პირი. როგორც ლევან ვასაძემ ჟურნალისტებს განუცხადა, მხარდამჭერებისადმი მიმართვა 18:00 საათზე დაიწყება.

„ჩვენ აქ ყველა ინდივიდუალურად ვართ მოსულები“, - ასე უპასუხა ვასაძემ კითხვას შეუერთდებიან თუ არა მათ „ქართული მარშის“ წარმომადგენლები.

ვერის პარკში იმყოფება ასევე გურამ ფალავანდიშვილი.

შეგახსენებთ, რომ ქართულ-შვედური ფილმის - „და ჩვენ ვიცეკვეთ" ჩვენება საქართველოს კინოთეატრებში გუშინ გაიმართა.

ბიზნესმენი ლევან ვასაძე და მისი თანამოაზრეები, „ქართული მარშის“ წევრები და მხარდამჭერები ფილმის კინოთეატრებში ჩვენებას ეწინააღმდეგებოდნენ და პრემიერის ჩაშლას გეგმავდნენ, რასაც დაპირისპირება რამდეჯერმე მოჰყვა.

8 ნოემბერს, თბილისისა და ბათუმის კინოთეატრებთან გამართულ აქციებზე სულ 28 პირი დააკავეს. სისხლის სამართლის დანაშაულისთვის დაკავებულია 1 პირი, ადმინისტრაციული სამართალდარღვევისთვის კი 27 პირი. ინციდენტების დროს დაშავდა ორი სამართალდამცველი, რომლებსაც საავადმყოფოში შესაბამისი მკურნალობა ჩაუტარდათ.

ზაზა ფირალიშვილი - უბრალოდ, ივანიშვილს  ვერ წარმოუდგენია, რომ თავადაც ძველი ხელისუფლების მსგავსი შეცდომები მოსდის
ქართული პრესის მიმოხილვა 18.11.2019
ხათუნა ლაგაზიძე -  პარლამენტში მიმდინარე პროცესები იმის ტესტიც არის, თუ რად უღირს თანამედროვე დასავლურ პოლიტიკურ ელიტას საქართველო