კინოთეატრ „ამირანთან" დაკავებული 21 პირის სასამართლო პროცესი გადაიდო

კინოთეატრ „ამირანთან" საპროტესტო აქციისას ადმინისტრაციული სამართალდარღვევისთვის დაკავებული 21 პირის სასამართლო პროცესი გადაიდო.

დღევანდელ სასამართლო სხდომაზე, სადაც დაკავებული პირებისთვის ადმინისტრაციული სახდელის დადებაზე მსჯელობდნენ, მხოლოდ ერთ პირს, მერაბ ჭიკაიძეს დაეკისრა სახდელი 500-ლარის ოდენობით. ჭიკაიძემ აღიარა, რომ ის იგინებოდა, თუმცა, არა სამართალდამცავების მისამართით.

ამასთან, ცალკე წარმოებად გამოიყო სასულიერო პირის, ლევან ამერეჯიბის საქმე. კიდევ ორი დაკავებული კი, ადვოკატ ცირა ჯავახიშვილის ინფორმაციით, ხელწერილით გათავისუფლდა და მათი საქმე სასამართლოს არ განუხილავს.

შემდეგი სასამართლო სხდომა 11 დეკემბერს, 11:00 საათიდან დაიწყება. აღსანიშნავია, რომ საქალაქო სასამართლოში დღეს, თბილისის კინოთეატრებთან აქციისას დაკავებული 24 პირის სასამართლო პროცესი გაიმართა.

შეგახსენებთ, რომ ქართულ-შვედური ფილმის - „და ჩვენ ვიცეკვეთ" ჩვენება საქართველოს კინოთეატრებში გუშინ დაიწყო.

8 ნოემბერს, თბილისისა და ბათუმის კინოთეატრებთან გამართულ აქციებზე სულ 28 პირი დააკავეს. სისხლის სამართლის დანაშაულისთვის დაკავებულია 1 პირი, ადმინისტრაციული სამართალდარღვევისთვის კი 27 პირი. ინციდენტების დროს დაშავდა ორი სამართალდამცველი, რომლებსაც საავადმყოფოში შესაბამისი მკურნალობა ჩაუტარდათ.

იოსებ ბარათაშვილი - ახლა მთავარია, გამოძიებამ უტყუარად დაადგინოს იმ პირების ვინაობა, რომელთა ქმედებამაც გამოიწვია შაქარაშვილის გარდაცვალება
ქართული პრესის მიმოხილვა 10.07.2020
ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ყაზახეთ-საქართველოს თანამშრომლობის ახალი ეტაპი იწყება
სუბსიდირებული იპოთეკური სესხი - ახალი შესაძლებლობა ტერაბანკისგან
სილქნეტის მობილური აბონენტები თიბისის მობაილბანკით სარგებლობას ინტერნეტის დახარჯვის გარეშე შეძლებენ