საპატრულო პოლიციის უფროსის მოადგილე - პრევენციის მიზნით კინოთეატრებში გამნაღველებისა და კინოლოგების სამსახურის წარმომადგენლები იმყოფებიან

პრევენციის მიზნით კინოთეატრებში იმყოფებიან გამნაღველებისა და კინოლოგების სამსახურის წარმომადგენლები,- ამის შესახებ ჟურნალისტებს საპატრულო პოლიციის დეპარტამენტის უფროსის მოადგილემ კახა ბუხრაძემ კონოთეატრ "ამირანში" განუცხადა.

მისი თქმით, სამართალადამცველები აქციის ორგანიზატორებსა და მასში მონაწილე პირებს მართლწესრიგის დაცვისკენ მოუწოდებენ.

"უკვე მეორე დღეა, რაც ადგილზე პოლიცია თითოეული მოქალაქის უსაფრთხოებას იცავავს. პრევენციის მიზნით კინოთეატრებში იმყოფებიან გამნაღველებისა და კინოლოგების სამსახურები. ასევე ადგილზე მობილიზებულია შესაბამისი რაოდენობის საპატრულო პოლიციისა და კრიმინალური პოლიციის დანაყოფები. შსს, როგორც მართლწესრიგზე პასუხისმგებელი უწყება მოუწოდებს აქციის ორგანიზატირებს, ასევე მასში მონაწილე პირებს დაიცვან მართლწესრიგი და დაემორჩილონ პოლიციის კანონიერ მოთხოვნას, წინააღმდეგ შემთხვევაში, თუ რაიმე სამართალდარღვევას ექნება ადგილი პოლიცია შესაბამის კანონიერ ზომას მიიღებს", - განაცხადა კახა ბუხრაძემ.

შეგახსენებთ, რომ ქართულ-შვედური ფილმის - „და ჩვენ ვიცეკვეთ" ჩვენება საქართველოს კინოთეატრებში გუშინ გაიმართა.

ბიზნესმენი ლევან ვასაძე და მისი თანამოაზრეები, „ქართული მარშის“ წევრები და მხარდამჭერები ფილმის კინოთეატრებში ჩვენებას ეწინააღმდეგებოდნენ და პრემიერის ჩაშლას გეგმავდნენ, რასაც დაპირისპირება რამდეჯერმე მოჰყვა.

8 ნოემბერს, თბილისისა და ბათუმის კინოთეატრებთან გამართულ აქციებზე სულ 28 პირი დააკავეს. სისხლის სამართლის დანაშაულისთვის დაკავებულია 1 პირი, ადმინისტრაციული სამართალდარღვევისთვის კი 27 პირი. ინციდენტების დროს დაშავდა ორი სამართალდამცველი, რომლებსაც საავადმყოფოში შესაბამისი მკურნალობა ჩაუტარდათ.

ხათუნა ლაგაზიძე -  პარლამენტში მიმდინარე პროცესები იმის ტესტიც არის, თუ რად უღირს თანამედროვე დასავლურ პოლიტიკურ ელიტას საქართველო
ქართული პრესის მიმოხილვა 14.11.2019
მაია ბითაძე - ევროპამ 50 წლით გაგვისწრო, მაგრამ ნაბიჯ-ნაბიჯ ჩვენც მივყვებით
Konica Minolta-ს პირველი ოფისი 12 ნოემბერს თბილისში ოფიციალურად გაიხსნა
ტოიოტა ფორტუნერი - თავდაჯერებულობა ნებისმიერ გზაზე, ახლა უკვე დიზელის ძრავით
აგრესიული რეგულაციების გვერდითი მოვლენები სამშენებლო ბაზარზე – ფასების ზრდა
Volvo Art Night - ვოლვო საქართველო გლობალური მიზნების კვალდაკვალ (R)
Trade In! გადაცვალე ძველი ტექნიკა ახალში  - „ელიტ ელექტრონიქსის ახალი წამოწყება“
აღმოსავლეთ ევროპის უნივერსიტეტში საერთაშორისო სამეცნიერო ვორკშოპი - "საშიში ტრანსნაციონალური დანაშაულები და მასთან ბრძოლის ნაციონალური და ინტერნაციონალური სამართლებრივი გზები და საშუალებები” ჩატარდა