საპატრულო პოლიციის უფროსი - შსს კინოთეატრების მიმდებარე ტერიტორიაზე საზოგადოებრივი წესრიგის დაცვას აგრძელებს

"შსს უკვე მეორე დღეა, აგრძელებს საზოგადოებრივი წესრიგის დაცვას თბილისში არსებულ კინოთეატრების მიმდებარე ტერიტორიაზე", - ამის შესახებ საპატრულო პოლიციის დეპარტამენტის უფროსმა ვაჟა სირაძემ ჟურნალისტებს “თბილისი გალერისთან” განუცხადა, სადაც კინოფილმის "და ჩვენ ვიცეკვეთ" ჩვენება დღეს, 19:45 საათზე დაიწყება.

მიისვე თქმით, შს სამინისტრო დაიცავს მოქალაქეების უფლებებსა და მართლწესრიგს.

„შსს უკვე მეორე დღეა აგრძელებს საზოგადოებრივი წესრიგის დაცვას თბილისში არსებულ კინოთეატრების მიმდებარე ტერიტორიაზე. დღესაც, როგორც გუშინ, თითოეულ ლოკაციაზე დავიცავთ თითოეული მოქალაქის უფლებებსა და მართლწესრიგს. შემოწმების პროცედურები იქნება სტანდარტული, როგორც გუშინ, პოლიციური ძალები განლაგებულები იქნებიან კინოდარბაზის და მის მიმდებარე ტერიტორიაზე და მეტალოდეტექტორის საშუალებით მოხდება დამსწრე საზოგადოების შეყვანა კინოდარბაზში", - განაცხადა სირაძემ.

მანვე უპასუხა კითხვას დაკავებულების შესახებ.

„არსებული ინფორმაციით, ჯამში დაკავებულია 28 პირი, თბილისში 25, ხოლო ბათუმში - 3 პირი. ამ დაკავებულებიდან ერთ-ერთი დაკავებულია ძალადობის ფაქტზე სსკ-ის 126-ე მუხლით. დღეს ამ ფაქტთან დაკავშირებით არც ერთი პირი არ არის დაკავებული. რაიმე პროვოკაციის შესახებ ინფორმაციას ვერ მოგახსენებთ, ვაგრძელებთ ჩვეულ რეჟიმში მუშაობას. ასევე, შემოწმებულია კინოლოგიური სამსახურების მიერ თითოეული კინოდარბაზი", - აღნიშნა სირაძემ.

გიორგი ანთაძე - საქართველო ვაშინგტონისა და თავისუფალი სამყაროს მთავარი სტრატეგიული პარტნიორია სამხრეთ კავკასიაში და ჩვენ ეს როლი და ფუნქცია ბოლომდე უნდა ავითვისოთ
ქართული პრესის მიმოხილვა 25.01.2021
ლილია შევცოვა - თუ აშშ საქართველოდან არ გასულა, ამერიკელები საქართველოში დაუპირისპირდებიან რუსულ გავლენებს, რომლებიც რამდენადაც ვიცი, ქვეყანაში საკმაოდ მრავლადაა
სადაზღვევო კომპანია "ევროინს ჯორჯიას" დამფუძნებელი კომპანია Eurohold, ბულგარეთში ელექტროენერგიის უდიდესი მომწოდებელი კომპანიის მფლობელი გახდა
სილქფესტი მომხმარებლებს უქმეებზე ულიმიტო ინტერნეტ და უსასრულო სასაუბრო პაკეტების გააქტიურებას სთავაზობს