კინოთეატრ „ამირანთან“, სადაც ფილმის „და ჩვენ ვიცეკვეთ" პრემიერა იმართება, სასულიერო პირებმა პარაკლისი გადაიხადეს. დეკანოზ დავით ისაკაძის თქმით, ისინი ფილმის ჩვენებას მშვიდობიანად გააპროტესტებენ.
"აქ მშვიდობიანად მოვედით. უამრავი ადამიანი, საზოგადოების სხვადასხვა ფენაა აქ და ვის რა მოუვა თავში, არ ვიცით. მე გეუბნებით, როგორც ჩვენი, სასულიერო პირების, ისე მრევლის პოზიციას. ჩვენ წინააღმდეგი ვართ ძალადობის ყოველგვარი ფორმის“, - განაცხადა დეკანოზმა დავით ისაკაძემ.