ბიზნესმენი ლევან ვასაძე კინოთეატრ „ამირანთან“ მიმდინარე აქციას არ ესწრება. „შეხვედრაზე მივდივარ და თუ მალე დასრულდება, მოვბრუნდები“, - განუცხადა ლევან ვასაძემ ჟურნალისტებს. მან ვერის ბაღის მიმდებარე ტერიტორია რამდენიმე წუთის წინ დატოვა.
ამ წუთებში კი, კინოთეატრ „ამირანის " მოპირდაპირე მხარეს დგანან სასულიერო პირები და აქციის მონაწილეები. ისინი აპროტესებენ ფილმის "და ჩვენ ვიცეკვეთ" ჩვენებას. „ამირანის" შესასვლელთან და მის მიმდებარე ტერიტორიასთან მობილიზებულია პოლიცია.
კოსტავას ქუჩაზე საავტომობილო მოძრაობა გადაკეტილი არ არის, ტრანსპორტი თავისუფლად მოძრაობს.