ბრაზილიის გათავისუფლებული ექსპრეზიდენტი მოქმედ პირველ პირს არჩევნებში დამარცხებით ემუქრება
ბრაზილიის გათავისუფლებული ექსპრეზიდენტი ლუის ინასიუ ლულა და სილვა აცხადებს, რომ 2022 წლის საპრეზიდენტო არჩევნებში პრეზიდენტ ჟაირ ბოლსონარუს დაამარცხებს, - ამის შესახებ ინფორმაციას „დოიჩე ველე“ ავრცელებს.
გამოცემის ცნობით, ექს-პრეზიდენტი, რომელიც პატიმრობიდან პარასკევს გაათავისუფლეს, იმუქრება, რომ ულტრა-მემარჯვენე ჟაირ ბოლსონარუს დაამარცხებს და ბრაზილიის ეკონომიკურ მდგომარეობას გააუმჯობესებს.
„მინდა გითხრათ, რომ მე დავბრუნდი, თუ კარგად ვიმუშავებთ, 2022 წელს ულტრა-მემარჯვენე ბოლსონარუს მემარცხენე ძალა დაამარცხებს, რომლისაც მას ასე ეშინია,“ - მიმართა 74 წლის ლულა და სილვამ ასობით მხარდამჭერს.
ბოლსონარუმ ექსპრეზიდენტის განცხადებაზე კომენტარი გააკეთა და აღნიშნა, რომ ბრალდებულთან კომპრომისზე წასვლას არ აპირებს.
„ნუ მისცემ ტყვია-წამალს ნაძირალას, რომელიც ამ ეტაპზე თავისუფალია, მაგრამ დანაშაულით აღსავსეა,“ - განაცხადა ბოლსონარუმ.
შეგახსენებთ, ლუის ინასიუ ლულა და სილვა, რომელსაც კორუფციული ბრალდებების გამო 2018 წელს 12-წლიანი პატიმრობა მიუსაჯეს, უზენაესი სასამართლოს გადაწყვეტილების საფუძველზე 18 თვიანი პატიმრობის შემდეგ ციხიდან ორი დღის წინ გაათავისუფლეს.
v-if="article.gallery" v-html="article.gallery"
