ლევან ვასაძე - როცა მეკითხებიან, როგორ დავიწყოთ ჯანმრთელი ურთიერთობები დასავლურმა იმპერიამ და ქართველმა ერმაო, ჩემი პასუხია - მონახონ ამერიკაში სვეტიცხოვლის ჭაღი, რომელიც დაიკარგა და დააბრუნონ სვეტიცხოველში

როცა დასავლეთის მოაზროვნეები მეკითხებიან, როგორ დავიწყოთ ჯანმრთელი ურთიერთობები დასავლურმა იმპერიამ და ქართველმა ერმაო, ჩემი პასუხია - მონახონ ამერიკაში სვეტიცხოვლის კუთვნილი ჭაღი, რომელიც რევოლუციის შემდეგ დაიკარგა და დააბრუნონ სვეტიცხოველში, - ამის შესახებ ბიზნესმენმა ლევან ვასაძემ ვერის ბაღში, სიტყვით გამოსვლისას განაცხადა.

როგორც ვასაძე იხსენებს, ეს ჭაღი სვეტიცხოვლის ტაძრიდან კომუნისტების პერიოდში ჩამოხსნეს, შემდეგ გადაიტანეს მაშინდელი ამერიკის საელჩოში, რომელი შენობაც ახლა პრეზიდენტის რეზიდენციად იწოდება.

„მე ხშირად მეკითხებიან დასავლეთის მოაზროვნეები, პოლიტიკოსები, ძალიან გავლენიანი ხალხი, ანალიტიკოსები, რომლებიც მითანაგრძნობენ, იმიტომ, რომ თვითონაც კონსერვატიული, ნამდვილი, ადამიანური, ეროვნული განწყობისანი არიან, რომ - რა ვქნათ, ლევან, როგორ დავიწყოთ ჩვენ, როგორც დასავლეთმა თქვენთან, როგორც ქართველებთან თავიდან ურთიერთობა და მე მინდა სიმბოლური რჩევა მივცე მათ - სანამ რევოლუცია მოხდებოდა, სვეტიცხოვლის ტაძარში ეკიდა ჭაღი, რომელიც სვეტიცხოველს აჩუქა რუსეთის რომელიღაც იმპერატორმა, მე მგონი - ნიკოლოზ მეორემ. როდესაც კომუნისტები მოვიდნენ და გაძარცვეს ეკლესია, ეს ჭაღი მოხსნეს და გადმოიტანეს იმ შენობაში, რომელსაც ამერიკის საელჩო ერქვა და რომელსაც ახლა მე მგონი, პრეზიდენტის რეზიდენცია ჰქვია - ალექსანდრეს ბაღის ქვეშ. საბჭოთა პერიოდში ეს ჭაღი ეკიდა იქ. როდესაც ეს შენობა გარდაიქმნა ამერიკის საელჩოდ, ფაქტია, რომ ეს ჭაღი იქიდან მოიპარეს და გაქრა. და როდესაც მეკითხებიან რომელი სუფთა ფურცლიდან დავიწყოთ, როგორ დავიწყოთ ჯანმრთელი ურთიერთობები ჩვენ, დასავლურმა იმპერიამ და თქვენ, ქართველმა ერმა-მე გთავაზობთ, თქვენ, მონახეთ ეს ჭაღი ამერიკაში და დააბრუნეთ სვეტიცხოველის ტაძარში“, - განაცხადა ვასაძემ.

იოსებ ბარათაშვილი - ახლა მთავარია, გამოძიებამ უტყუარად დაადგინოს იმ პირების ვინაობა, რომელთა ქმედებამაც გამოიწვია შაქარაშვილის გარდაცვალება
ქართული პრესის მიმოხილვა 10.07.2020
ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ყაზახეთ-საქართველოს თანამშრომლობის ახალი ეტაპი იწყება
სუბსიდირებული იპოთეკური სესხი - ახალი შესაძლებლობა ტერაბანკისგან
სილქნეტის მობილური აბონენტები თიბისის მობაილბანკით სარგებლობას ინტერნეტის დახარჯვის გარეშე შეძლებენ