პარლამენტის წინ საბავშვო სამგზავრო სავარძლების გამოყენების საჭიროების დემონსტრირებისთვის ღონისძიება გაიმართება

11 ნოემბერს საქართველოს პარლამენტის წინ საბავშვო სამგზავრო სავარძლების გამოყენების საჭიროების დემონსტრირებისთვის ღონისძიება გაიმართება. ღონისძიება ორგანიზებულია „საგზაო მოძრაობის შესახებ“ საქართველოს კანონში ცვლილების ავტორი არასამთავრობო ორგანიზაციების: “საქართველოს ალიანსი უსაფრთხო გზებისთვის”, “პარტნიორობა საგზაო უსაფრთხოებისთვის” და “ბიზნესისა და ეკონომიკის ცენტრი”-ს მიერ.

ორგანიზატორების ცნობით, პარლამენტის წინ, სპეციალური დანადგარის - ე.წ. სლაიდერის გამოყენებით, მოხდება ავტოსაგზაო შემთხვევის სიმულაცია საბავშვო სამგზავრო სავარძლების საჭიროების დემონსტრირებისთვის. მოქალაქეებს შესაძლებლობა ექნებათ ჩასხდნენ სლაიდერში, რომელიც 30კმ/სთ სიჩქარით მოძრაობს, გადაიკრან უსაფრთხოების ღვედი, ჩაისვან არასრულწლოვანი (თოჯინა ამ შემთხვევაში) კალთაში და გამოსცადონ თუ რამდენად რთულია, თუნდაც დაბალ სიჩქარეზე შეჯახებისას, ხელში ბავშვის დაჭერა.

„საგზაო შემთხვევის სიმულაციის მეშვეობით, შესაძლებელი იქნება ვიზუალურად დავინახოთ, თუ რამდენად დიდი საფრთხის შემცველია ბავშვების მგზავრობა სავარძლის გამოყენების გარეშე და რამდენად დაუცველია ბავშვის სიცოცხლე მგზავრობის დროს; შესაბამისად, შესაძლებელი იქნება, შეფასდეს ამ მხრივ დღეს არსებული რეგულაციის არაეფექტურობა და პარლამენტში ინიცირებული ცვლილების მიღების საჭიროება. „საგზაო მოძრაობის შესახებ“ საქართველოს კანონში აღნიშნული ცვლილების შეტანის თაობაზე, პარლამენტის დარგობრივი ეკონომიკისა და ეკონომიკური პოლიტიკის კომიტეტი, 11 ნოემბერს, 13:00 საათზე იმსჯელებს. ცვლილების მიხედვით, 12 წლამდე და 135 სანტიმეტრამდე ბავშვის მსუბუქი ავტომობილის უკანა სავარძლით გადაყვანისას გამოყენებულ უნდა იქნეს სპეციალური საბავშვო სავარძელი ან დამჭერი მოწყობილობა (ე.წ. ბუსტერი), რომელიც შეესაბამება ბავშვის სიმაღლესა და წონას. ამასთან, კანონში ჩნდება მითითება, რომლის თანახმად, აღნიშნული რეგულაცია არ გავრცელდება საზოგადოებრივ ტრანსპორტზე, აგრეთვე იმ სატრანსპორტო საშუალებაზე, რომელზეც ქარხანა-დამამზადებლის მიერ განსაზღვრული კონსტრუქცია არ ითვალისწინებს სპეციალური საბავშვო ეტლის, სავარძლის ან დამჭერი მოწყობილობის განთავსებას.

შინაგან საქმეთა სამინისტროს 2017-2018 წლის სტატისტიკური მონაცემებით, ავტოსაგზაო შემთხვევებში 0-16 წლამდე დაღუპულ არასრულწლოვანთა რაოდენობა საქართველოში შეადგენს 42-ს, ხოლო დაშავებულთა რაოდენობა 1915-ს. აღსანიშნავია, რომ ჯანდაცვის მსოფლიო ორგანიზაციის სტატისტიკის თანახმად, სპეციალური საბავშვო სავარძლის გამოყენება, ჩვილებში - 70%-ით, ხოლო 1 წლიდან ასაკის ბავშვებში დაახლოებით 54%-იდან - 80%-მდე ამცირებს ავტოავარიის შემთხვევებში ბავშვთა სიკვდილობისა და დაშავებულობის რისკებს“, - აღნიშნულია ინფორმაციაში.

ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ქართული პრესის მიმოხილვა 06.07.2020
ზაალ ანჯაფარიძე - შაქარაშვილის საქმესთან დაკავშირებით კითხვები უფრო მეტია, ვიდრე პასუხები, რაც გამოწვეულია რამდენიმე გარემოებით
უპროცენტო განვადება და საჩუქარი მომხმარებელს - რას სთავაზობს კომპანია ,,ჯეო გლასი"
ბიზნეს-ცენტრი ატრიუმი - პრაქტიკული არჩევანი
„PSP ყველგან შენი ოჯახის გვერდით“ კამპანიის ფარგლებში ბრიტანული კონცეფციის აფთიაქი წყნეთში გაიხსნა
ტერაბანკი ბიზნესკლიენტებს საქმიანობის პოპულარიზაციაში დაეხმარება
ლიბერთი იპოთეკური სესხების სუბსიდირების სახელმწიფო პროგრამაში ჩაერთო