„ანაკლიის კონსორციუმის“ გენდირექტორი - თუ ჩვენ არბიტრაჟში გადავიტანთ დავას, სახელმწიფო სხვა ინვესტორებს ვერ შემოიყვანს

„ანაკლიის პროექტის განვითარების კონსორციუმი“ თუ ჩაიშლება და ჩვენ არბიტრაჟში გადავიტანთ დავას, სახელმწიფო სხვა ინვესტორებს ვერ შემოიყვანს, - ამის შესახებ „ანაკლიის განვითარების კონსორციუმის“ გენერალურმა დირექტორმა, ლევან ახვლედიანმა, „პალიტრანიუსის“ გადაცემაში „პოლიტ-ქალაქი“ განაცხადა.

როგორც ახვლედიანმა განმარტა, „ახალ ინვესტორებს, რეპუტაციული რისკებიდან გამომდინარე, დავაში მყოფ პროექტში ჩართვა არ ენდომებათ“.

„თუ ჩაიშლება კონსორციუმთან კონტრაქტი, ეს ქვეყნისთის იქნება უკიდურესად მძიმე ნაბიჯი, იმიტომ, რომ სხვა გზა არ დაგვრჩება, ჩვენ ჩვენი აქციონერების ინტერესებიდან გამომდინარე, მოგვიწევს წასვლა საარბიტრაჟო დავაში, რაც ძალიან დააზიანებს ამ პროექტს და როგორც წესი, სახელმწიფო ახალ ინვესტორებს ვერ შემოიყვანს, იმიტომ, რომ არცერთი მაღალი რეპუტაციის მქონე, არც დონორი და არც ინვესტორი, როცა დავაშია რაიმე პროექტი, იმ პროექტს რეპუტაციული რისკებიდან გამომდინარე, ვერ გაეკარება“, - განაცხადა ახვლედიანმა.

წამყვანის კითხვაზე ანაკლიის პროექტის განსახორციელებლად, რა უნდა გააკეთოს მთავრობამ, ახვლედიანმა განაცხადა, რომ ამ პროექტის ინტერესებიდან გამომდინარე, „პირველ რიგში, მთავრობამ, პოლიტიკური და პირადი ინტერესები უნდა გადადოს“.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს