უკრაინის თავდაცვის მინისტრის, ანდრეი ზაგოროდნიუკის თქმით, ნატო უკრაინას სისტემატურად ეხმარება არმიის რეფორმირებასა და ნატო-ს სტანდარტებთან დაახლოებაში.
„ამას ჩვენთვის დიდი პოლიტიკური მნიშვნელობა აქვს, რადგან ჩვენი სტრატეგიული მიზანი ნატო-ს წევრობაა“,-განაცხადა ზაგოროდნიუკმა ადგილობრივ ტელევიზიასთან ინტერვიუში.
კითხვაზე, იბრძოლებს თუ არა ალიანსი უკრაინის მხარდასაჭერად, მინისტრი პასუხობს: „ჯერჯერობით, ჩვენ ალიანსის წევრი ქვეყანა არ ვართ, მაგრამ ჩვენი პარტნიორი ქვეყნები გვაწვდიან იარაღს, აღჭურვილობას, წვრთნიან და ამზადებენ ჩვენს ჯარისკაცებს. ეს პროცესი უწყვეტია და ახლა უფრო ძლიერდება“.