ირაკლი ოქრუაშვილის სასამართლო პროცესი გაიმართება

თავდაცვის ყოფილი მინისტრის, ბრალდებული ირაკლი ოქრუაშვილის სასამართლო პროცესი დღეს გაიმართება. სხდომა თბილისის საქალაქო სასამართლოში 10:00 საათზეა დანიშნული. გასულ პროცესზე სხდომა გადაიდო.

პენიტენციური დაწესებულებიდან სასამართლოსთვის გაგზავნილ განცხადებაში ირაკლი ოქრუაშვილი პროცესის გადადებას ითხოვდა, ვინაიდან მისი განცხადებით, ადვოკატის აყვანა სურდა. ამასთან, საზოგადოებრივმა ადვოკატმა მამუკა ბასილაშვილმა, რომელიც ოქრუაშვილს სავალდებულო წესით იცავს, გასულ პროცესზე თვითაცილების შუამდგომლობა დააყენა. შუამდგომლობაში ადვოკატმა ირაკლი ოქრუაშვილის პოზიცია დააფიქსირა, რომლის მიხედვითაც, ოქრუაშვილს არ სურდა სახელმწიფოს ხარჯზე დანიშნული ადვოკატის მიერ მომხდარიყო მისი დაცვა.

ადვოკატის თვითაცილების შუამდგომლობას ბრალდების მხარე არ დაეთანხმა. შუამდგომლობა არ დააკმაყოფილა მოსამართლემ და განმარტა, რომ ირაკლი ოქრუაშვილი პროცესზე გამოცხადებას თავს არიდებს. ირაკლი ოქრუაშვილმა ადვოკატები რამდენიმე სხდომის წინ აიცილა.

ალექსანდრე თვალჭრელიძე - ყველაზე უფრო საგულისხმოა, აშშ-ს ახლად დანიშნული ელჩის დუმილი, რაც იმაზე მიუთითებს, რომ ვაშინგტონი ყოყმანობს, რომელ პოლიტიკურ ძალაზე დადოს ფსონი
ქართული პრესის მიმოხილვა 17.02.2020
ხათუნა ბურკაძე - საქართველოს ნატო-ში ინტეგრაციის პროცესი დასაჩქარებელი და ბუქარესტის სამიტის თითქმის 12-წლიანი დაპირებები შესასრულებელია
"ევრონიუსის" აღმასრულებელმა დირექტორმა, მაიკლ პიტერსმა ქართულ მედიას "ევრონიუს საქართველოს" მთავარი რედაქტორი წარუდგინა