ატომური ენერგეტიკის საერთაშორისო სააგენტო ადასტურებს, რომ ირანმა 9 ნოემბრიდან ფორდოში, ბირთვულ ობიექტზე, ურანის გამდიდრება დაიწყო,- ამის შესახებ ორგანიზაციის მოხსენებაშია ნათქვამი.
დოკუმენტის თანახმად, ირანში დაბალი გამდიდრების ურანის მარაგი 3 ნოემბრის მონაცემებით, 372,3 კილოგრამს შეადგენს, რაც დადგენილ ლიმიტზე (202,8 კილოგრამი) მეტია.
დოკუმენტში, ასევე, აღნიშნულია, რომ ირანი 4,5 %-ის დონეზე ამდიდრებს ურანს. გარდა ამისა, ირანის ბირთვულ ტერიტორიებზე განთავსებულია ისეთი მოდერნიზებული ცენტრიფუგები, რომელთა გამოყენება არ არის გათვალისწინებული შეთანხმებით.
ირანის პრეზიდენტმა განაცხადა, რომ 6 ნოემბრიდან თეირანი მეოთხედ იტყვის უარს ბირთვული შეთანხმებით ნაკისრი ვალდებულების შესრულებაზე და დაიწყებს ურანის გამდიდრებას ფორდოს ობიექტებზე გაზის გამოყენებით.