წყალტუბოს განვითარების შესახებ ბიძინა ივანიშვილის ინიციატივას, არათუ არანაირი ხინჯი არ აქვს, ის ითვალისწინებს წყალტუბოს აღორძინებასა და ქცევას საერთაშორისო მასშტაბის უმაღლესი ხარისხის კურორტად, - ამის შესახებ პლენარულ სხდომაზე უმრავლესობის დეპუტატმა ირაკლი კობახიძემ განაცხადა.
მისივე თქმით, ოპონენტები ცდილობდნენ მოეძებნათ „ხარვეზები“ იმისთვის, რომ არ დაეფასებინათ ეს ინიციატივა.
„ჩვენ მიჩვეულები ვართ, რომ როცა საქმე ეხება ბიძინა ივანიშვილის ქველმოქმედებას, მის ინიციატივებს, ვისმენთ ათას სისულელეს ოპონენტების მხრიდან. თუმცა, ამ შემთხვევაში მათი ოპონირება იყო გაუგონარი.
ეს არის ინიციატივა, რომელსაც არათუ არანაირი ხინჯი არ აქვს, ეს არის ინიციატივა, რომელიც ითვალისწინებს წყალტუბოს აღორძინებას და საერთაშორისო მასშტაბის უმაღლესი ხარისხის კურორტად გადაქცევას“, - განაცხადა კობახიძემ.
კობახიძემ ოპონენტებზე საუბრისას აღნიშნა, რომ ისინი არიან სიცრუეზე აგებული.
„ეს არის საცოდავი პოლიტიკური ძალაა, რომელსაც არ აქვს არც სამშობლო და ღმერთის ძალის არ სწამს,“ - განაცხადა ირაკლი კობახიძემ.