ესპანეთში „სოციალისტებმა“ და „პოდემოსმა“ კოალიციის შექმნაზე შეთანხმებას მიაღწიეს

ესპანეთის „სოციალისტურმა მშრომელთა პარტიამ“ (PSOE) და „უნიდას პოდემოსმა“ (UP) კოალიციის შექმნაზე შეთანხმებას მიაღწიეს, - ამის შესახებ ინფორმაციას „ევრონიუსი“ ავრცელებს.

გამოცემის ცნობით, შეთანხმების მიღწევის შესახებ განცხადება სოციალისტების ლიდერმა, მოქმედმა პრემიერ-მინისტრმა პედრო სანჩესმა და „უნიდას პოდემოსის“ ლიდერმა პაბლო იგლესიასმა გააკეთეს.

ესპანური მედიის ინფორმაციით, შეთანხმება პაბლო იგლესიასის პრემიერ-მინისტრის მოადგილის პოსტზე დანიშვნას ითვალისწინებს. ეს გახლავთ ერთ-ერთი მნიშვნელოვანი საკითხი, რაზეც მხარეები აპრილში, საპარლამენტო არჩევნების შემდეგ კოალიციის შექმნაზე გამართული მოლაპარაკებების დროს ვერ შეთანხდნენ.

პედრო სანჩესი აცხადებს, რომ ის პარლამენტში უმრავლესობის მისაღწევად სხვა პოლიტიკურ პარტიებთანაც აწარმოებს მოლაპარაკებებს.

აღსანიშნავია, რომ სოციალისტებსა და „უნიდას პოდემოსს“ პარლამენტში, ჯამში, 155 ადგილი ექნებათ, თუმცა უმრავლესობის მოსაპოვებლად 176 ადგილია საჭირო, ეს კი იმას ნიშნავს, რომ კოალიციას კიდევ 21 დეპუტატის მხარდაჭერა სჭირდება.

შგახსენებთ, ესპანეთში კვირას საპარლამენტო არჩევნები გაიმართა. პედრო სანჩესის მემარცხენე-ცენტრისტულ პარტიას 350-ადგილიან პარლამენტში 120 ადგილი, ულტრა-მემარცხენე „უნიდას პოდემოსს“ კი 35. არჩევნების შედეგების მიხედვით მეორე ადგილზეა მეორე ადგილზეა მემარჯვენე-ცენტრისტული „სახალხო პარტია“ (PP), რომელსაც პარლამენტში 88 ადგილი ერგო. ულტრა მემარჯვენე პარტია „ვოქსმა“ კი საკანონმდებლო ორგანოში 52 ადგილი მოიპოვა.

ემილ ავდალიანი - ირანი და ჩინეთი 400 მილიარდი დოლარის შეთანხმებას ამზადებენ, თუ ეს მოხდა პერსპექტივაში ჩინური გავლენა ირანსა და ახლო აღმოსავლეთზე ხელშესახები გახდება
ქართული პრესის მიმოხილვა 25.09.2020
ამირან სალუქვაძე - 2020 წლის საპარლამენტო არჩევნების მთავარი ინტრიგა იქნება, ვინ გადალახავს ამ საცოდავ 1%-ს
მე-3 და მე-4 კატეგორიების საწარმოებისთვის
Samsung Galaxy S20 FE (Fan Edition) წინასწარი შეკვეთები უკვე დაიწყო
პანდემიის დროს გააქტიურებული ქართული სტარტაპი - 0% საკომისიო და უფასო მიტანა 100 დღის განმავლობაში
„კარფურის გათამაშება გრძელდება“ - წინ კიდევ უსასრულო სიურპრიზებით სავსე 2 კვირა გელოდებათ
"ლიბერთის" ახალი აქცია - #გულით პედაგოგებისთვის