უმრავლესობის წევრის, დიმიტრი ხუნდაძის განცხადებით, „ქართული ოცნების“ თავმჯდომარე ბიძინა ივანიშვილმა უარი უთხრა ინიციატივაზე, პროპორციულ საარჩევნო სისტემაზე გადასვლაზე უარის თქმის საკითხი „სარეიტინგო კენჭისყრაზე“ დაეყენებინათ. ამის შესახებ ხუნდაძემ უმრავლესობის სხდომიდან გამოსვლის შემდეგ განაცხადა.

„სხდომაზე ვისაუბრეთ ძალიან ბევრი. ძალიან ცხელი გამოვიდა სხდომა, რადგან თემა არის ძალიან მნიშვნელოვანი. აქ არის საუბარი, თუ როგორ უნდა გააგრძელოს შემდეგი პოლიტიკური ცხოვრება ქვეყანამ, ეყოლება ქვეყანას სტაბილური და ძლიერი ხელისუფლება და მთავრობა თუ რყევადი და ასე ვთქვათ, არაძლიერი, ანუ სუსტი ხელისუფლება. ის, რაც ჩემთვის იყო მიუღებელი, იყო ის, რომ პარტიის თავმჯდომარემ არ მოგვცა საშუალება, სარეიტინგო კენჭისყრაზე დაგვეყენებინა საკითხი, რამეთუ, მე დავსვი საკითხი ნათლად, რომ უფრო მეტი მხარდამჭერია, რომ ეს პროექტი არ გავიდეს, ვიდრე ვინმეს წარმოუდგენია და ვიდრე წარმოუდგენია იმ უმრავლესობას, რომლის სხდომაზეც ვიყავით ჩვენ. მაგრამ თუ არ მოხდა აქ დათვლა, პარლამენტში მოხდება ამის დათვლა“, - აღნიშნა ხუნდაძემ.

იხილეთ ვიდეო