ჩვენ „ნაციონალურ მოძრაობას“ დავპირდით არა პროპორციულ საარჩევნო სისტემას, არამედ მძიმე მარცხს პროპორციული საარჩევნო სისტემის პირობებში, - ასე უპასუხა უმრავლესობის დეპუტატმა ირაკლი კობახიძემ დეპუტატ მერაბ ქვარაიას კითხვას, რომლის მიხედვითაც, ის დაინტერესდა შეინარჩუნებდა თუ არა „ნაციონალური მოძრაობა“ 27 მანდატს პროპორციული საარჩევნო სისტემის პირობებში.

როგორც ირაკლი კობახიძემ აღნიშნა, „ქართული ოცნების“ პოლიტიკური პასუხისმგებლობა იქნება, აიღებენ თუ არა „ნაციონალები“ მეტ მანდატს.

„ჩვენი პასუხისმგებლობაა, რომ სწორედ პროპორციული სისტემის პირობებში ისინი არათუ ვერ აცდნენ 27 მანდატს, არამედ მიიღონ ბევრად ნაკლები და ამის ყველანაირი რესურსი არსებობს მომდევნო ერთი წლის განმავლობაში“, - განაცხადა კობახიძემ.