ჩაქვის გვირაბთან ავტოსაგზაო შემთხვევის შედეგად 6 ადამიანი დაშავდა
ბათუმი - ქობულეთის შემოვლით გზაზე, ჩაქვის გვირაბთან ავტოსაგზაო შემთხვევის შედეგად 6 ადამიანი მსუბუქად დაშავდა, მათ შორის არასრულწლოვნები არიან. ისინი ბათუმისა და ქობულეთის საავადმყოფოებში არიან გადაყვანილი.
ერთმანეთს ორი მსუბუქი მანქანა და ორი მიკროავტობუსი შეეჯახა. მომხდარის გამო, ბათუმი - ქობულეთის შემოვლით გზაზე სატრანსპორტო მოძრაობა შეზღუდულია.
ფაქტზე გამოძიება სსკ-ის 276-ე მუხლით დაიწყო, რაც სატრანსპორტო მოძრაობისას წესების დარღვევას გულისხმობს.
