რომან გოცირიძე უმრავლესობას - ნუ წარმოიდგენთ, რომ ხვალ კენჭისყრის შემდეგ ეს პარლამენტი იქნება ის,  რაც იყო აქამდე  - გინდ მუქარად მიიღეთ,  გინდ გაფრთხილებად

ნუ წარმოიდგენთ, რომ ხვალ კენჭისყრის შემდეგ ეს პარლამენტი იქნება ის, რაც იყო აქამდე და ნურც იმას წარმოიდგენთ, რომ ამ პარლამენტში ოპოზიცია იჯდება მშვიდად, - ეს განცხადება ფრაქცია “ნაციონალური მოძრაობის“ თავმჯდომარემ რომან გოცირიძემ პლენარულ სესიაზე გააკეთა, სადაც დეპუტატები 2020 წლის ბიუჯეტის პროექტს განიხლავენ. ფაქტი, რომ სხდომას სულ 25 დეპუტატი ესწრება, გოცირიძემ იმ სტრესულ გარემოს მიაწერა, რომელიც საკანონმდებლო ორგანოში საკონსტიტუციო ცვლილებებთან დაკავშირებით არის.

„ძალიან სამწუხაროა, რომ ქვეყნის მთავარი ფინანსური დოკუმენტი იხილება ცარიელ დარბაზში, თუმცა გასაგებია დღევანდელი განწყობა, ყველა არის შოკში, ფაქტობრივად სტრესული გარემოა პარლამენტში, იმ ვითარებიდან გამომდინარე რაც დღეს შეიქმნა, როდესაც ფაქტობრივად საკონსტიტუციო ცვლილებები განწირულია ჩასაგდებად და ეს მოქმედებს ბუნებრივია ყველაზე როგორც უმრავლესობაზე, ასევე ოპოზიციაზე. ამიტომ მე მინდა განვაცხადო, რომ ეს წარმოუდგენელი შედეგი, რომელიც ადამიანების მოტყუების სახით შეიძლება ხვალ გამოისახოს კენჭისყრაზე და ჩავარდეს ეს დოკუმენტი უმძიმესად აისახება ხელისუფლებაზე და სამწუხაროდ ვერ შეუწყობს ხელს ქვეყანაში სტაბილურ მდგომარეობას.

ნუ წარმოიდგენთ, რომ ხვალ კენჭისყრის შემდეგ ეს პარლამენტი იქნება ის, რაც იყო აქამდე და ნურც იმას წარმოიდგენთ, რომ ამ პარლამენტში ოპოზიცია იჯდება მშვიდად და წერტილ-მძიმეზე დაგიწყებთ საუბარს. გაიხსენეთ „გავრილოვის ღამე“, გვიკიჟინებდით, რატომ იჯექით პარლამენტში დეპუტატები ღამითო, იმიტომ ვიჯექით, რომ არ გვინდოდა თქვენ შემოგვეშვით, პარლამენტის თავმჯდომარე და გავრილოვის შემომყვანი ხალხი. გინდ მუქარად მიიღეთ, გინდ გაფრთხილებად, ხვალიდან არ იქნება ეს პარლამენტი, როგორიც წარმოგიდგენიათ და არ ვიქნებით ისინი, ვინც ვიყავით დღემდე და საქართველო არ იქნება ის, რაც იყო დღემდე თუკი საკონსტიტუციო ცვლილებები დღევანდელი დადგმული სპექტაკლის შემდეგ ჩავარდა“, - განაცხადა რომან გოცირიძემ.

მან ქვეყნის მთავარ ფინანსურ დოკუმენტზეც ისაუბრა. მისი შეფასებით 2020 წლის ბიუჯეტის პროექტი რომელიც წარმოდგენილია, არ ემსახურება ქვეყნის განვითარებას და ფინანსურ სტაბილურობას.

თამარ ჩუგოშვილი - მე მგონი, ადამიანი არ დადის, ვისაც სჯერა, რომ უცებ მოხდა ამბოხი უმრავლესობაში - თვალში ნაცარი არავის უნდა შევაყაროთ
ქართული პრესის მიმოხილვა 14.12.2019
ვახტანგ ძაბირაძე  -  თუ სახელმწიფოს მართვის სისტემის შეცვლა გინდა, იმ გზას კი არ უნდა გადიოდე, რომელიც შენმა წინამორბედმა გაიარა
კომპანია „ფრეგოს“ მთავარი ინვესტორი განცხადებას ავრცელებს
„კავკასუს როუდ პროჯექტმა“ ბიზნეს პროცესების ავტომატიზაცია BDO-სთან პარტნიორობით განახორციელა
"Sarajishvili 2020" - უნიკალური გემოსა და დიზაინის მქონე სასმელი ამაღლებული საახალწლო განწყობისთვის
საფეხბურთო კლუბი „სამტრედია“ უმაღლეს ლიგაში გადავიდა
Archdaily „ლისი დეველოპმენტის“ პროექტების შესახებ სტატიას აქვეყნებს
ჩინური კომპანია POWERCHINA/SINOHYDRO 202-ე უსინათლო ბავშვთა საჯარო სკოლას ეწვია