ლევან კობერიძე - სავარაუდოდ, ან 2020 წლის სიაში ადგილის გამყარების მიზნით ცალკეული დეპუტატები ვაჭრობენ, ან  რეალურად,  ეს  არის სპექტაკლი

ჩემთვის წარმოუდგენელია, რომ ეს ერთიანი სცენის ნაწილი არ იყოს და ამასთან, შეთანხმებული არ იყოს ბიძინა ივანიშვილთან, - ასე აფასებს დამოუკიდებელი დეპუტატი ლევან კობერიძე საპარლამენტო უმრავლესობის წევრი მაჟორიტარი დეპუტატების წინააღმდეგობას პროპორციულ საარჩევნო სისტემასთან დაკავშირებით.

მისი შეფასებით, უნიჭოდ დადგმული სპექტაკლის მომსწრეები ვართ.

„ის ადამიანები, რომლებიც ხელის მომწერები თვითონ არიან, რატომღაც უცებ ასე დამწკრივებულები სათითაოდ აკეთებენ განცხადებას და ეჭვქვეშ აყენებენ იმას, ღირს თუ არა პროპორციულ სისტემაზე გადასვლა. ჩემთვის წარმოუდგენელია, რომ ეს ერთიანი სცენის ნაწილი არ იყოს და ამასთან, ეს შეთანხმებული არ იყოს ბიძინა ივანიშვილთან. თუ ეს ასე არ არის, მაშინ ქვეყანაში კიდევ უარესი მდგომარეობა გვაქვს. მაშინ ეს არის დადასტურება იმის, რომ ძალიან საშიშია „ქართული ოცნების“ მიერ ქვეყნის მართვა, რადგან მას თავისი გუნდის შიგნით ასეთი მნიშვნელოვანი გადაწყვეტილების მიღების დროს არ ძალუძს ერთიანობის გამოჩენა. სავარაუდოდ, ან 2020 წლის სიაში ადგილის გამყარების მიზნით ცალკეული დეპუტატები ვაჭრობენ, ან ეს რეალურად, არის სპექტაკლი,“ - განაცხადა ლევან კობერიძემ.

ამირან სალუქვაძე - მოახლოებული არჩევნების მნიშვნელობა გაიზარდა, საკმაოდ დაძაბული ბრძოლის მომსწრე ვიქნებით და იმედია, არჩევნების შემდეგ დასავლეთის ხელახალი დახმარება არ დაგვჭირდება
ქართული პრესის მიმოხილვა 23.04.2021
ვაჟა ბერიძე - შეთანხმების ხელმოწერის ფაქტს პოლიტიკური თვალსაზრისით ერთი დამარცხებული ჰყავს, ესაა მიხეილ სააკაშვილი. მომხდარმა აჩვენა, რომ სააკაშვილი ოპოზიციას ვერ აკონტროლებს
„ლუტეცია ჯგუფი“ ვახტანგ ფხაკაძის სახელობის საქველმოქმედო ფონდს აარსებს
კახა ოქრიაშვილი - 2021 წელს 43%-იანი პლებისციტის დანიშვნა ნიშნავს იმას, რომ 2020 წლის საპარლამენტო არჩევნები არ დასრულებულა
ახალი სერვისი არააქტიური მოპოვების ლიცენზიის მფლობელებს