ნიკა მელია - ფართომასშტაბიან აქციებს გავმართავთ, ოღონდ ეს არ უნდა იყოს დროში გაწელილი ეპოპეა - მალე უნდა დასრულდეს დასასრულებელი ამბავი

რა თქმა უნდა, ფართომასშტაბიან აქციებს გავმართავთ, ოღონდ ეს არ უნდა იყოს ხანგრძლივი და რაღაც დროში გაწელილი ეპოპეა, მალე უნდა დასრულდეს დასასრულებელი ამბავი, - ეს განცხადება „ნაციონალური მოძრაობის“ დეპუტატმა ნიკა მელიამ კენჭისყრის შედეგების შემდეგ ჟურნალისტებთან გააკეთა.

მისი თქმით, ბიძინა ივანიშვილმა მთელ საზოგადოებას გააწნა სილა.

„ყველა, ვინც ახლა ტელევიზორებთან არის და უყურებს მათ უთხრეს: თქვენ ხართ არარაობაო. ამათ უნდა გაეცეთ ადეკვატური პასუხი. კონსულტაციები გაიმართება და შესაბამის ნაბიჯებს გადავდგამთ. რა თქმა უნდა, ფართომასშტაბიან აქციებს გავმართავთ, ოღონდ ეს არ უნდა იყოს ხანგრძლივი და რაღაც დროში გაწელილი ეპოპეა, მალე უნდა დასრულდეს დასასრულებელი ამბავი. სიმართლე არის ჩვენ მხარეს და შესაბამისად, საზოგადოებამ, რომელიც მართალ პოზიციაზე არის, როგორ შეიძლება თვალი გაუსწოროს ამ უნამუსობას? მაშინ შევთანხმდეთ, რომ ეს ადამიანის არის თბილისი, საქართველო და რასაც უნდა აკეთებს, ნამდვილი ფეოდალია. მე მგონი ამას არავინ მიიღებს“, - განაცხადა ნიკა მელიამ.

შეგახსენებთ, პარლამენტმა საარჩევნო სისტემის ცვლილებასთან დაკავშირებით კონტიტუციურ კანონში ცვლილებები პირველი მოსმენით ჩააგდო.

ალექსანდრე თვალჭრელიძე - ყველაზე უფრო საგულისხმოა, აშშ-ს ახლად დანიშნული ელჩის დუმილი, რაც იმაზე მიუთითებს, რომ ვაშინგტონი ყოყმანობს, რომელ პოლიტიკურ ძალაზე დადოს ფსონი
ქართული პრესის მიმოხილვა 17.02.2020
ხათუნა ბურკაძე - საქართველოს ნატო-ში ინტეგრაციის პროცესი დასაჩქარებელი და ბუქარესტის სამიტის თითქმის 12-წლიანი დაპირებები შესასრულებელია
"ევრონიუსის" აღმასრულებელმა დირექტორმა, მაიკლ პიტერსმა ქართულ მედიას "ევრონიუს საქართველოს" მთავარი რედაქტორი წარუდგინა