პარლამენტის წინ მიმდინარე საპროტესტო აქციაზე მცირე ინციდენტი მოხდა. როგორც "ინტერპრესნიუსს" მოძრაობა " სირცხვილიას" წევრმა ლექსო მაჭავარიანმა განუცხადა, როდესაც აქციაზე სიტყვით გამოდიოდა "ლელოს" ლიდერი მამუკა ხაზარაძე, მივიდა მოქალაქე, რომელიც სავარაუდოდ, ხაზარაძის მისამართით უცენზუროდ საუბრობდა.

მისი თქმით, ამის შემდეგ აღნიშნული პირი ტერიტორიიდან მშვიდად გაიყვანეს.

"არ ვიცი, ვინ იყო ის ადამიანი. მე მგონი, მამუკა ხაზარაძეს აგინებდა. გვერდზე ვიყავი და ჩავერიე. სავარაუდოდ, ვიღაც პროვოკატორია. შემდეგ ეს ადამიანი მშვიდობიანად გაიყვანეს", - განაცხადა ლექსო მააჭავარიანმა.