პარლამენტთან აქცია - "არა მევახშეობას" გაიმართა. როგორც აქციის მონაწილემ მამისა ჯაფარაშვილმა ჟურნალისტებს განუცხადა, ქვეყანაში მევახშეობა და ბანკი ყველაზე დიდ პრობლემას წარმოადგენს, რის გამოც პროტესტის გამოხატვა გადაწყვიტა.
მისი თქმით, აღნიშნული აქცია იმ აქციის კონტრაქცია არ არის, რაც პარლამენტთან საარჩევნო სისტემის ცვლილებაზე კანონმდებლობის ჩავარდნის გამო მიმდინარეობს.
მამისა ჯაფარაშვილის თქმით, "გუშინ მამუკა ხაზარაძე შეუერთდა აქციას, რომელმაც უამრავი ხალხი დააზარალა საქართველოში".
"ჩემთვის გულსატკენია ის დამოკიდებულება, თითქოს სხვა პრობლემა არ აქვს ქვეყანას.როცა ერი შიმშილში კვდება, ამ დროს, თურმე პარტიები გაერთიანდნენ და არჩევნები ყოფილა ყველაზე მნიშვნელოვანი. პრობლემა, რაც საზოგადოებას აწუხებს, ამ პარტიებს არ ადარდებთ",- განაცხადა მამისა ჯაფარაშვილმა.